سطور عانقها القلب ج الاخير

ابتعدت عنه ، لا تستوعب ما تسمعه .. تسأله وهي تُحدق به حتي تتأكد من حديثه

– مالك مش مصدقه كده ليه ، الموضوع كان من خطط الشركه ..، لانه كانوا موقفين القرار مؤقتً

– قول بجد إننا هنرجع مصر

ابتسم وهو يري السعاده تلمع في عينيها

– بجد يا صفا ، لكن لسا مش عارف أمتي بالظبط

– المهم هنرجع

سحبها نحوه ، يضمها إليه وقد سقطت دموعها شوقاً لأحبابها

– أنا كنت فاكره الغربه حلوه ، لكن طلعت صعبه أوي ..

– لولا بعدي يا صفا ، و وجودي هنا .. مكنش القدر جمعنا

ابتعدت عنه ، حتي تتمكن من رؤية ملامحه ، والسؤال الذي رأه في عينيها ..، كان يمنحها الجواب عنه قبل أن تسأله

– لو مكنتش سافرت وأضطريت أتجوز عشان قوانين المؤسسه ، بعد ما كان بيتعلب عليا عشان أقع في الشرك ..، واطلع قدامهم شريك مش مناسب ..، هدفه مش النجاح ..، لو مكنش ده كل حصل ..، كانت هتحصل أي حاجه تانيه عشان تجمعنا

وبهمس خافت قبل أن يعيدها لأحضانه ، بل عالمهم العاصف بالمشاعر

– أنتِ قدري يا صفا

………………………………

توقف “عامر” بملامح جامده أمام المتجر الذي اصبحت تعمل فيه منذ أيام ، ينظر إلي ملامحها بشوق ، لكن شوقه كان يضيع وسط ما يشعر به ..، لا يُصدق أنها ظنته إنه سيتركها ويُطلقها عندما يحصل علي طفلاً من أمرأة اخري

علقت عيناه بالمشهد ، وهو يراها تُحاول إرضاء أحدي الزبونات ، والزبونة تقف متذمرة ..، تشيح بيديها ثم تقدمت أمرأه أخري تُحاول إرضاء الزبونه وقد شحب وجهها وابتعدت بعدما اشارت لها صاحبة المتجر بالابتعاد

تلاقت عيناها به وهي تلتف بجسدها ، لتشعر بالصدمه وهي تراه واقف أمامها ، بهيبته وعنفوانه ، تهتف اسمه بتعلثم

– عامر

……….

تعالت صرخاتها ، وهو يجرها خلفه لداخل المنزل ، وقد خرج الخدم يُحدقون بسيدهم وثورته العاصفة وهو يسحبها خلفه ، مشفقين عما سيحدث لها

دفعها داخل غرفتهما ، فهوت فوق الفراش من شده دفعته

– الهانم مكنتش بترد علي أتصالاتي ، عشان مخططه للطلاق ..

حاولت الحديث ولكن اخرسها بصراخه

– مش عايز أسمع صوتك

– أنا مش عايزه اعيش معاك ، ولا عامر بيه مينفعش حد يسيبه لازم هو اللي يطرد الناس من جنته

– حياه

بصراخ أقوي كان يهتف ، وهو يتقدم منها بنظرات محذره

– طلقني

ظن أن أذنيه قد خانته في السمع ، فالتقط ذراعها مُشيراً إليها بأن تعيد عليه ما تُخبره به