ولاده قيصريه انجي الخطيب

«ابني ممكن يمو. ت! حرام عليك، اعملوا قيصري!» صرخت وأنا قابضة على ملاية سرير الولادة بكل قوتي، والدموع مغرقة وشي من شدة الألم. لكن جوزي، دكتور كريم الشناوي، رئيس قسم النسا والتوليد في المستشفى، بص على شاشة الأجهزة ببرود وقال: «يمكن لو كنتِ فكرتي في عواقب تصرفاتك قبل ما تكسري نفسية الدكتورة نادين، مكنش ده كله حصل!

»
كنت خلصت الشهر التاسع من الحمل ، والدكاترة مقدرين إن وزن ابني اللي في بطني ممكن يوصل لأكتر من أربعة كيلو ونص. بقالي تمنتاشر ساعة في ولادة طبيعية، بعاني من طلق شديد لدرجة إن عيني كانت بتزغلل ومبقتش قادرة أستحمل ثانية واحدة كمان.

وفوق كل ده، الطلق وقف يتقدم بشكل طبيعي، ونبض الجنين بدأ يتغير بطريقة خلت الدكتور المناوب يوصي بضرورة التدخل القيصري بسرعة.لكن جوزي كان ليه رأي تاني.«الولادة هتكون طبيعي. ومحدش هيتدخل من دماغه!»
بصيت له وأنا مش مصدقة اللي بسمعه.

ده نفس الراجل اللي حبيته واتجوزته من تمن سنين، واللي كنت فاكرة إنه أكتر إنسان هيخاف عليّا وعلى ابننا.قلت له بصوت متقطع من الوجع: «يا كريم، أرجوك افهمني! الموضوع ملوش علاقة بنادين. ده ابنك إنت كمان!»
ملامحه اتغيرت، وبصلي بنظرة قاسية عمري ما شفتها في عينيه قبل كده.

«كان المفروض تفكري في الكلام ده قبل ما تدمري ثقتها في نفسها وتحاولي تكسري مستقبلها!»
نادين فوزي، الدكتورة المتدربة اللي عندها ستة وعشرين سنة، كانت بقالها شهور بتحاول تدخل بيني وبين جوزي. من أول يوم شفتها فيه، وأنا حاسة إن ورا ابتسامتها الهادية دي حاجة مش مريحة، لكن عمري ما تخيلت إنها ممكن توصل بينا للحال ده.

#انجي_الخطيب
من تلات أيام بس، اكتشفت بالصدفة إنها بتزوّر بيانات في ملفات بعض المرضى، وبتغيّر تفاصيل مهمة في التقارير الطبية علشان تخفي أخطاء حصلت أثناء شغلها. استنيت لما بقينا لوحدنا وواجهتها بهدوء، وقلت لها إن اللي بتعمله جريمة ممكن تضيّع مستقبلها المهني وتعرّض حياة الناس للخطر.

لكنها فجأة انفجرت في العياط، وخرجت من الأوضة وهي بتترعش، وبعدها راحت لكريم وقالت له إني هددتها وقلت لها إني هدمّر مستقبلها علشان غيرانة منها!والأغرب من كده إنه صدقها من غير ما يسمع مني كلمة واحدة.أو يمكن كان مصدقها علشان هو عايز يصدقها!