خداع انثي ج الاخير

ثم نهضت من على المقعد وقالت بصوت حزين

-انا ماشيه وابقى شوف طريقه تعرف بيها امك وابوك انك لسه عايش وبلاش تقولهم انك هربت علشان كنت ندل وجبان

وتركته وغادرت المكان

نظر إلى أثرها بحزن شديد وحرك يده على رأسه وزفر بضيق ونهض وترك المكان سريعا.
………………………………………………….
عند أسر

بعد انتهاء جلسة الكيماوي جلس على السرير بجسد هزيل جدا وقد تساقط شعره بالكامل ونظر إلى فرح قائلا بصوت متعب

أسر :- لسه فاضل كتير على الزفت ده

اومأت رأسها بالتأكيد قائله

فرح :- ايوه لسه شويه، بس فات كتير ما بقى الا القليل

اخذ نفسه بصعوبه وتكلم بقلة حيله قائلا

أسر :- أنا كل حاجه وحشه عملتها فى حياتى بتترد اضعاف مضاعفه فى كل جلسه من الكيماوى انا حاسس ان ذنوبى ملهاش نهاية

ابتسمت له ابتسامه هادئه وقالت

فرح :- يا عم يا بختك ربنا بيحبك علشان كده ابتلاك بالمرض ده علشان يخفف من عليكى ذنوبك أنت أن شاءالله ربنا هيشفيك وهتبقى كويس والمرض ده درس ليك علشان تعرف أن الإنسان ضعيف أضعف ما يمكن وانك مهما عملت هيجى يوم عليك وتبقى مش قادر تناول نفسك حتى كوباية مايه علشان كده بتمنى لما تبقى كويس تبعد عن السكه اللى كنت ماشى فيها دى وتتوب لربنا أنت كده شيلة الذنوب خفة من عليك حاول بقى ايامك الجايه امحى ذنوبك دى نهائى بالتوبه والاستغفار

نظر لها بأستغراب وقال بتساؤل

أسر :- وهو معقول بعد اللى عملته فى حياتى دى كلها ربنا ممكن يسامحنى

اومأت رأسها سريعا بالتأكيد وقالت

فرح :- طبعا باب التوبه مفتوح على طول اهم حاجه تكون توبه من القلب توبه نصوحه وان شاءالله ربنا هيستجيب ويسامحك

تكلم بحزن شديد وقال

أسر :- للاسف أنا عمرى ما حد من اهلى اتكلم معايا فى حاجه زى كده اهم حاجه عندهم الشركه والفلوس وانفذ أوامر ابويا اللى يطلبها منى علشان ابقى وجهه ليه تشرف فى عالم البزنس

تنهدت بضيق وقالت

فرح :- اوقات كتير الأبناء بيكونوا ضحايا الأهالى بسبب انشغالهم الدائم لجلب الفلوس مش بيقعدوا معاهم يتكلموا عن ربنا عن الحرام والحلال عن الدين وده بسببه خرج جيل كامل جاهلين فى أمور دينهم عن شريعتهم وسنتهم وبسببه عايشين فى زمن منعدم فيه الامان بسبب قلة التدين لو كل ام واب فضوا نفسهم فى اليوم ساعه بس واتكلموا مع اولادهم عن دينهم هنخرج جيل سوى متدين بس هنقول ايه ربنا يهديهم قادر على كل شئ
المهم انا مستعده اساعدك فى اى حاجه تحب تعرفها وممكن كمان اساعدك تصلى وتحفظ القرأن، بس اهم حاجه تبقى ناوى تتوب بجد مش ترجع تانى لحياتك القديمه لما تخف