خداع انثي ج الاخير

فاطمه :- لا انت اللمبى أنا متأكده مش عيب عليك يالا لما تعمل معايا أنا كده ده لحم كتفك من خير هو اللى احنا بنعملوه على الناس بيتعمل فينا ولا ايه سيب يالا الولد وشيل اللى على وشك ده

تراجع إلى الخلف ووجه الس\لاح إلى رأس الطفل قائلا

-متقربيش واى خطوه زياده هدوس على الزناد

وقفت مكانها سريعا ونظرت إلى ابنها بتوتر وقالت

فاطمه :- سيب الولا يا لمبى واللى انت عايزه هعمله ليك

حرك رأسه بالرفض قائلا

-ابنك مش هتخديه غير لما تجيبى الفلوس اللى قولتلك عليها واعتقد يعنى المبلغ اللى طلبته مش هيقصر معاكى حاجه فى وسط العز اللى انتى عايشه فيه

زفرت بضيق وقالت بنفاذ صبر

فاطمه :-بقولك سيب الولد يا لمبى انا مش عارفه انت عرفت تهرب من كل الحرس دول ازاى وتدخل لحد هنا

ضحك بتهكم قائلا

-ده شغلى بقى، ما انا كتير اوى اشتغلت ليكى وكنتى بترمى ليا الفكه وتخدى انتى الملايين وشوفى دلوقتى انتى بقيتى فين وانا فين

نظرت له بمكر وظلت تقترب منه بهدوء وهى تقول له

فاطمه :- طيب سيب الولد وانا هديك الفلوس اللى عايزها وزياده كمان

حرك رأسه بالرفض وقال بغضب شديد

-قولتلك ابنك معايا ومش هتخديه الا لما تجيبى الفلوس واى خطوه زياده انتى الخسرانه

حاولة فاطمه الهجوم عليه سريعا لاخذ منه الطفل لكنه صوب الس\لاح اتجاهها وأطلق عليها الرصاص اسقطها على الأرض غارقه بدمائها وحاول الهروب بالطفل سريعا لكنه لم يستطيع جاء الحرس سريعا وتبادلوا الطلقات حتى أسقط على الأرض قتيلا ومعه الطفل مصاب بعدة طلقات بجسده وفارق الحياة.
………………………………………………….
جلس ماجد امام رقيه الصامته تماما وهى تنظر له بملامح خاليه حاول التحدث مرارا وتكرارا ولكن لم يستطيع ابتلع ريقه بتوتر وقال بصوت مهزوز

-انا عارف انتى بتفكرى فى ايه دلوقتى شايفه أن انا ندل وجبان علشان هربت فى وقت ما كنتى محتاجه وجودى جنبك بس صدقيني كان غصب عنى كان لازم ابعد

ابتسمت بتهكم وقالت بصوت مؤلم

رقيه :- أنا اتعود أن اكون لوحدى يعنى انت معملتش حاجه جديده من عندك بس نفسى افهم انت ليه عملت كده وليه اختارت انك تعيش ميت وانت على لسه على وجه الارض

نظر لها بحزن شديد وقال

ماجد :- علشان وانا جنبك كنت بموت فى اليوم مليون مره اختارت أن أكون ميت فى عيونك بدل ما انا قصادك ومش شيفانى بيها