خداع انثي ج الاخير
خداع انثي ج الاخير
سهير :- يارب يا بنتى يارب
اومأت رأسها بحب وقالت
رقيه :- أن شاءالله يا حبيبتى يلا امشى علشان اعملك لقمه وتخدى العلاج تلاقيكى من امبارح مأكلتيش
ابتسمت بحزن وقالت بنبره مختنقه
سهير :- ومين ليه نفس ياكل يا بنتى
تحركت سهير مع رقيه واوقفت سيارة اجره وصعدوا بها وذهبت بهم إلى المنزل .
…………………………………………………….
عند مياده
خرجت مياده من مقر عاملها مع إحدى صديقاتها وكانت تتحدث معها ووقفت فاجئة تنظر أمامها بعدم تصديق وظلت صامته حتى فقدت الوعى
ركض ماجد سريعا إليها وحملها من على الأرض ووضعها على أحد المقاعد واخذ من داخل الحقيبه الخاصه بها زجاجة العطر وبدء يحركها أمام أنفها
بدأت تحرك رأسها ببطئ شديد وانهمرت دموعها وهى تغلق عينيها قائله
مياده :- ماجد يا اخويا واحشتنى اوى بقيت اشوفك فى الناس بقيت اتخيلك فى كل لحظه ربنا يرحمك يا حبيبى ويصبرنى على فراقك
تنهد بحزن وربت على ظهرها وقال بصوت مرتبك
ماجد :- اللى انتى شوفتيه صح يا مياده أنا ماجد اخوكى مش تهيأت أنا عايش مموتش
ابتعدت عنه سريعا وظلت تنظر له بعدم تصديق وتحرك رأسها بالرفض قائله
مياده :- لا م م مستحيل أنا شكلى اتجننت م م ماجد ميت انت مش حقيقى
امسك يدها سريعا وقال
ماجد :- أهدى يا مياده أنا ماجد عايش والله مموتش أهدى علشان افهمك كل حاجه
نظرت له بعدم تصديق وقالت من بين شهقاتها
مياده :- عايش !! طيب ازاى ومين اللى احنا دفنه وكنت فين كل ده وليه عملت كده
تنهد بحزن وقال
ماجد :- هقولك كل حاجه
وبدأ يقص لها الحكايه من البدايه وظلت تنصت له بأهتمام شديد حتى انتهى
نظرت له بغضب شديد وقالت بعدم تصديق
مياده :- انت يا ماجد!! انت تعمل كده !؟ انا مصدومه فيك مستحيل تكون انت ماجد اخويا اللى اتربى على الأصول انت ازاى اتغيرت اوى كده حب ايه اللى بتتكلم عنه ده، انت لو كنت حبيت رقيه بجد كنت فضلت جنبها تحميها وتتمنى ليها السعاده مهما كانت سعادتها مع مين مش تهرب وتقول انك موت وتسيبها توقف قصاد التيار لوحدها وازاى لما فكرت تعمل كده مفكرتش فيا أنا وامك وابوك انت عارف حالنا كان ايه لما سمعنا خبر موتك، و امك صحتها اللى تتهورت بسببك، كل ده بسبب استهتارك و انانيتك يا خساره يا ماجد والف خساره أنا الاول كنت فخوره بيك وفخوره انك اخويا بس للاسف دلوقتى انت اكبر عار علينا نصيحه منى لو لسه باقى شويه طيبه فى قلبك روح خرج صاحبك و حاول تقعد مع نفسك شويه يمكن تعرف ترجع ماجد القديم الطيب الاصيل
