خداع انثي ج الاخير
خداع انثي ج الاخير
تحياتى /ماجد
إعادة طي الرساله مره اخرى ونظرت إلى مياده وقالت بصوت هادئ
رقيه :- بلغى ماجد أن انا ورائد مسامحينه وقوليله ربنا يرزقه ببنت الحلال اللى تسعده وتنسيه حبى
ابتسمت لها بسعاده وقالت
مياده :- بجد يا رقيه يعنى خلاص مش زعلانه منه
حركت رأسها بالرفض وقالت
رقيه :-لا مش زعلانه هو مهما كان زى اخويا وكان صديق ليا فى وقت من الأوقات ومتأكده أن اللى عمله ده كان غصب عنه
ردت عليها سريعا وقالت بتساؤل
مياده :- اه والله كان غصب عنه الدكتور اسامه هو صاحب الفكره دى وكبرها فى دماغه لحد ما نفذ كلامه وهرب
اومأت رأسها بالتأكيد وقالت
رقيه :- عارفه وعلشان كده انا من يوم ما عرفت الحقيقه قطعت علاقتى بالدكتور اسامه لأن اكتشفت هو قد ايه كداب ومخادع وبعدين أنا النهارده مش عايزه اعكر مزاجى بأى حاجه النهارده اسعد يوم فى حياتى وعايزه اركز فيه هو وبس
ثم اخذت نفس عميق ونظرت بالساعه وقالت بتوتر
-هما مالهم اتأخروا كده ليه انا زهقت والتوتر والخوف هيموتونى
ابتسمت لها بسعاده وقالت
مياده :- أهدى يا عروسه كلها دقايق والعريس هيشرف ويخدك مننا
وفى ذلك الوقت سمعوا صوت طرقات على الباب أمسكت رقيه يد مياده بتوتر ونظرت إلى الباب بخوف شديد وقالت
رقيه :- و و وصلوا
اومأت رأسها بالتأكيد وقالت بأبتسامه
مياده :- اه وصلوا ينفع تسيبى ايدى علشان افتح ليهم الباب
نظرت إلى يدها الممسكه بمياده وتركتها ببطئ شديد وتراجعت إلى الخلف
تعالت ضحكات مياده على خوف رقيه وذهبت إلى الباب وقامت بفتحه وجدته اسلام ابتسمت له بخجل وقالت
-ا ا اتأخرتوا كده ليه
حرك رأسه بالرفض وقال
اسلام :- هما متأخروش احنا اللى اتأخرنا اوى وكان زمنا احنا مكانهم من زمان اوى
احمرت وجينتها من شدة الخجل وقالت بتوتر
مياده :- ا ا اسلام اتلم و و و ادخل لأختك جوه
ابتسم لها بحب وقال
اسلام :-مش قادر أشيل عيونى من عليكى جمالك بيسحر
وفى ذلك الوقت رائد دفعه بقوه وقال بتهكم
-انت جاى تسبل هنا يا اخويا ما تخلص
تعالت ضحكات مياده وقالت
-كل واحد بيدور على نفسه بقى
عموما ادخل للعروسه يا عريس هى مستنيه جوه وهتموت من الخوف والتوتر
نظر إلى الداخل وأخذ نفس عميق ونظر إلى اسلام وقال
رائد :- خليك سبل هنا براحتك وانا هدخل اطمن على عروستى وتركهم ودلف إلى الداخل
نظر إلى مياده بحب وقال
