خداع انثي ج الاخير

حرك رأسه بالنفى وقال بحب

أسر :- معاكى فى اى حاجه بس المهم تفضلى جنبى

ابتلعت ريقها بتوتر وقالت

فرح :- ا ا أنا هروح اشوف شغلى عن اذنك

وهرولت سريعا إلى الخارج

نظر أسر إلى الباب نظره مطوله ثم تنهد بحزن واغلق عينه بألم.

…………………………………………………….

مر عدة أيام حاولة رقيه تبحث عن أسر فى كل مكان لكنها لم تستطيع الوصول إليه ولم يعلم رائد بوجود ماجد بعد ما طلبت رقيه من المحامى احمد عدم أخباره برجوعه وجاء يوم محاكمة رائد المنتظره جلس الجميع يتابع بتوتر المحاكمه ظلت تراقب رقيه عن كثف وتزداد دقات قلبها بخوف شديد أمسكت يد سهير حتى تطمئنها وبدأ المحامى احمد الدفاع عن رائد ومحاولة تقديم اثباتات تقوى موقفه بالق\ضيه ولكن دون جدوى وعندما طلب القاضى شهود إثبات منه نهضت رقيه وطلبت شهادة ماجد بالقض\يه ولكن القاضى قام بتحذيرها إذا تحدثت مره اخرى دون اذن جلست وهى الدموع تنهمر من عينيها داعية الله أن يظهر برأت رائد وفى الاستراحه ركضت رقيه بأتجاه رائد ونظرت له من خلف القضبان بأبتسامه حزينه وقالت

-متقلقش يا رائد أن شاءالله يا حبيبى هتظهر برأتك

نظر لها بغضب وقال

رائد :- ماجد مين ده اللى قولت عليه من شويه

تكلمت بخوف شديد وقالت

رقيه :- م م ماجد صاحبك طلع عايش مماتش وعرفت الكلام ده من كام يوم ومرضتش اقولك علشان متزعلش

رد عليها بضيق وقال

رائد :- ولما هو عايش كان فين كل ده وليه قالوا إنه مات

نظرت إلى احمد بقلق وقالت

رقيه :- بعدين يا رائد هبقى اقولك كل حاجه بعدين أنا لازم أرجع مكانى علشان القاضى هيبدأ استئناف المحكمه

ركضت سريعا إلى مقعدها مره اخرى وجلست تراقب الوضع

لم يقتنع القاضى بتقديم الادله المذكوره لبراءة رائد وبناء عليه بدأ بنطق الحكم عليه بالسجن ولكن فى ذلك الوقت دخل ماجد المحكمه سريعا اوقف نطق القاضى قائلا

-انا معايا أدلة تثبت براءة رائد

نظر له بأستغراب جميع من فى القاعه

تكلم القاضى بأمر قائلا

-مين أنت

رد عليه سريعا وقال

ماجد :- أنا ماجد اللى قالوا عليه مات فى الشقه أنا لسه عايش ومعايا اللى يثبت أن اللى عمل كده مش رائد اللى عمل كده ابوه مدحت

تكلم القاضى بأمر وقال

-قبل اى حاجه قول اسمك وسنك واحلف اليمين

اجاب ماجد علي القاضى وحلف اليمين وبدأ يقص عليه الحقيقه