خداع انثي ج الاخير

نهضت رقيه من مكانها بسعاده عندما رأت ماجد يقص على القاضى الحقيقه وترقبت الموقف عن كثب

تسأل القاضى عن سبب تغيبه طيلة هذا الوقت وإذا كان معه دليل قوى يثبت به صدق كلامه هذا

رد عليه سريعا وقال

ماجد :- هربت خوفت اكون متهم لأن انا كنت الشاهد الوحيد على اللى حصل فى الشقه ووجودى فى المكان ده فى وقت الحريق يثبت عليا الجري\مه

نظر القاضى له بأستغراب وقال بتساؤل

-وايه سبب تغير رأيك دلوقتى وظهورك ما انت كده بتعرض نفسك برضه للحبس

تنهد بحزن ونظر إلى رقيه ثم أعاد النظر إلى القاضى وقال

ماجد :- مبقتش فارقه اتحبس دلوقتى ولا لا المهم عملت اللى يريح ضميرى وأثبت أن انا مش ندل ولا جبان زى ما قالوا

تكلم بنبره جديه وقال بأمر

-وفين الدليل القوى اللى قولت عليه علشان يثبت صحة كلامك

اومأ رأسه بالتأكيد ونظر إلى الباب وفى ذلك الوقت دلف أسر بجسد هزيل جدا ووقف أمام القاضى

نظر لهم القاضى وقال بعدم فهم

-مين ده كمان

اجابه ماجد سريعا وقال

-ده أسر صديق رائد وصديقى كمان واللى كان مشترك فى الجري\مه دى مع مدحت ابو رائد وهو بنفسه جاى يعترف على نفسه ويقول الحقيقه بس بتمنى من المحكمه الاشفاق على حالته لانه مريض كانسر وبيتعالج بالكيماوى

فرهت رقيه شفاها بصدمه عندما رأت أسر بهذا المنظر

تكلم أسر بصوت ضعيف قائلا

-انا النهارده جاى اقول الحقيقه علشان مش عارف هموت امته عايز اريح ضميرى أنا بالفعل بدأت اتوب وعملت كتير اوى غلط فى حياتى ومنه كانت اذيت رقيه ورائد ومن حقهم عليا أن أقول الحقيقه النهارده وبتمنى أنهم يسامحونى ربنا اده كل واحد مننا جزائه أنا اتفقت مع مدحت والد رائد على أننا نتخلص من رقيه علشان نبعدها عن رائد بعد ما وقف قصاد الكل علشان حبها كرهى ليها عمى عيونى وفكرت بأبشع الطرق أن اتخلص منها وبالفعل مدحت أمر رجالته بتنفذ الخطه ودخلوا على رقيه كتفوها وحطوا ماده سريعة الاشتعال فى الشقه كلها وولعوا فيها وانا من عندى حاولة اعطل رائد فى البيت علشان ميروحش عندها وينقذها

ثم نظر إلى رائد ورقيه وقال بأسف

-انا اسف بجد كنت مش مقدر حبكم لبعض وحسيت بيكم بعد ما انا كمان حبيت وعرفت ايه هو معنى الحب بتمنى اكون عملت ليكم حاجه صح تسامحونى عليها

نظر لهم القاضى بأستغراب وقال

-القض\يه دى غريبه جدا اول قض\يه فى كل مره اجى انطق فيها الحكم يظهر فيها جانى جديد بتمنى تكون دى اخر مره يظهر فيها حد ويوقف المحاكمه