خداع انثي ج الاخير

ابتسمت له بحب وقالت بخجل

رقيه :- ومن يوم ما رقيه قابلة رائد واحلوت الدنيا فى عيونها رقيه بتعشق رائد بجنون

اخذ نفس عميق وأخرجه بهدوء وقال بنفاذ صبر

رائد :- يا رب صبرنى الكام ساعه دول بس علشان أنا خلاص على أخرى

وادار السياره سريعا وتحرك بها تحت ابتسامات رقيه الرقيقه.

…………………………………………………..
وبعد عدة ساعات

انتهت رقيه من تجهيزها لزفاف وظهرت كالؤلوة فى السماء عاليه تمتاز بالرقه والاحترام نهضت بفستانها الابيض المنسدل على الأرض طويلا مثل الاميرات القت نظره على مظهرها النهائى بتوتر شديد ثم استدارت إلى مياده وقالت بتساؤل

-ايه رأيك

اجابتها بسعاده وقالت بحب

مياده :- جميله اوى ماشاءالله زى القمر يا حبيبتى ربنا يهنيكى ويسعدك يارب

اخذت نفس عميق وقالت بتوتر

رقيه :- خايفه اوى وحاسه أن شكلى وحش ومش هعجب رائد

نظرت لها بأستغراب وقالت

مياده :- انتى ليه بتقولى كده بالعكس انتى جميله اصلا من غير اى حاجه وطالعه شبه اميرات ديزني ده الله يكون فى عون رائد اصلا لما يشوفك كده ده ممكن ميروحش الفرح اصلا ويدخل على الاوضه بتاعتكم اللى هنا على طول

زفرت بخوف شديد وقالت

رقيه :- اسكتى متفكرنيش انا مش قادره أتخيل أن انا ورائد هيتقفل علينا باب واحد

ابتسمت لها بخجل وقالت

مياده :- كلنا كده بنخاف من اللحظه دى بس احلى ما فى الموضوع أننا خلاص بقينا مع اللى بنحبه وبيبقى هو احلى واجمل انتصارنا

تنهدت بأرتياح وقالت بحب

رقيه :- طبعا، دى الحاجه الوحيده اللى مريحانى ومطمنه قلبى أن بعد كل اللى حصل بقينا لبعض وحبنا انتصر فى النهايه

تنهدت بحزن وقالت

مياده :- ربنا يسعدك يا حبيبتى

نظرت لها بأستغراب وقالت

رقيه :- مالك يا مياده حزينه ليه

اخذت نفس عميق وأخرجت ورقه من داخل الحقيبه الخاصه بها وقالت بتوتر

مياده :- خدى يا رقيه الرساله دى من ماجد صمم أن ادهالك قبل ما يسافر

نظرت لها بأستغراب وقالت

رقيه :- سافر !!

اومأت رأسها بالتأكيد وقالت

مياده :- ايوه سافر هيعيش فى دبى على طول وهيكمل شغل فى الشركه زى الاول

نظرت إلى الورقه وتنهدت بضيق واخذتها منها ونظرت بها وبدأت تقرأه النص بصوت داخلى

-اولا، يا رقيه الف مبروك على الجواز ربنا يسعدك مع الراجل اللى اختاره قلبك

-ثانيا، أنا اسف على كل اللى حصل منى بس غصب عنى حبيتك وده مكانش بأيدى حاولة كتير اوى اهمد نار حبك بقلبي بس مقدرتش النار كانت بتشعلل اكتر أنا عارف ان أنا دلوقتى فى نظرك واحد ندل وجبان وخاين بس وحياة كل لحظه عشناها مع بعض حلوه افتكرى ليا كل موقف عملته معاكى جميل سامحينى ومش بطلب مسامحتك علشان اى حاجه أنا كده كده سافرت ومش هتشوفينى تانى مدى حياتك أنا نفسى اعيش فى سلام نفسى تسامحينى علشان اقدر اسامح نفسى واعيش حياتى انا مش منتظر منك اى رد على الرساله دى أنا بس عايزك تسامحينى من قلبك وانا هحس سعتها بكده بتمنالك حياة سعيده مع رائد وارجوكى بلغى سلامى ليه