خداع انثي ج الاخير

نظرت له بحزن وقالت بتوتر

مياده :- للاسف يا اسلام رقيه فعلا السبب فى موت ماجد وامك لأن هى اللى كانت مقصوده
أنا ماجد كان قايل ليا كل حاجه وان مدحت ابو صاحبه رائد عايز يأذيها علشان هى وابنه بيحبوا بعض وفكر أنها بترسم عليه علشان فلوسه وحتى رائد كان مصدق كلام ابوه واليوم اللى مات فيه شوفته وهو نازل من البيت وسألته رايح فين قالى رايح يطمن على رقيه ونزل مرجعش تانى اكيد مات وهو بينقذها يعنى هى السبب فى موت امك واخويه عارفه أن عمرهم وانتهى بس لو ماكنتش رقيه قابلة رائد ده وعملت أنها عبيطه وراحت معاه البيت وعاشت عندهم مكانش كل ده حصل لينا

نظر لها نظره مطوله ثم قال

اسلام :- رقيه مظلومه يا مياده وهى لو كانت تعرف أن كل ده هيحصل عمرها ما كانت هتهرب وكانت اتجوزت الراجل الكبير ده وجات على نفسها علشان محدش يتأذى بس فى الاول والأخر ده نصيب ومكتوب لينا كل ده ارجوك يا مياده متكرهيش رقيه لأنها متستحقش كده مننا خليكى فى ضهرى وتعالى نحميها من هشام وأمثاله لو بتحبينى بجد

حركت رأسها بالنفى وقالت

مياده :- لا طبعا يا اسلام أنا عمرى ما كرهتها ولا بقول كده علشان اكرهك فيها أنا بس بقولك اللى حصل وانت فى السجن إنما أنا مؤمنه بالله وعارفه أن كل شئ مقدر ومكتوب واكيد طبعا انا أول واحده فى ضهرك ومعاك فى اى طريق تمشي

ابتسم بسعاده وقال بحب

اسلام :- انتى جميله اوى يا مياده جميله فى كل حاجه امشى يلا تعالى اوصلك

نظرت له بحب وتحركت معه أوقفوا سيارت اجره وصعدوا بها وتحركت بهم إلى المنزل
………………………………………………….
استيقظت رقيه من نومها بحزن شديد وتذكرت الحوار الذى دار بينها هى ورائد وانهمرت الدموع منها بغزارة وقالت من بين دموعها

-انا لازم اروح ليهم واقولهم الحقيقه انا مش هقدر استحمل اعيش بعيد عنهم اكتر من كده

ثم نهضت سريعا من على فراشها ودلفت المرحاض وبعد وقت خرجت وارتدت ملابسها سريعا واتجهت إلى الباب وخرجت منه ونظرت إلى باب شقة رائد وتنهدت بحزن ثم أغلقت الباب وهبطت إلى الأسفل أوقفت سيارة أجرة واتجهت إلى منزل شقيقيها وبعد وقت وقفت السياره أمام باب العقار وأعطته الاجره وهبطت إلى الأسفل ونظرت إلى الأعلى وأغلقت عينيها بتوتر وتحركت بقدم مرتعشه وصعدت إلى الطابق المتواجد به الشقه ووقفت تنظر إلى الباب بتردد وحركت يدها ببطئ وضغطت على زر الجرس وانتظرت عدة ثوانى ثم انفتح الباب وظهر هشام من خلفه بوجه عابس واعين مملؤه بالكره والشر وابتسم بتهكم وقال