خداع انثي ج الاخير

وظل رائد يتحرك بالمكان بتوتر شديد ينتظر انتهاء التحقيق وبعد عدة دقائق خرج احمد وملامحه لا تدل على خير نظر له بقلق وقال بتساؤل

رائد :- عملتوا ايه

حرك رأسه بالنفى وقال بعدم رضا

احمد :- للاسف رقيه رافضه تقول الحقيقه علشان تحمى ابوك وبالشكل ده الجر\يمه ثابته عليها هى

رد عليه بغضب وقال

رائد :- مستحيل ده يحصل رقيه لازم تخرج من هنا مش هستحمل أنها تقعد هنا ساعه واحده

تنهد بحزن وقال

احمد :- اهدا يا رائد رقيه مش هتخرج من هنا غير لما الحقيقه تظهر وللاسف فى ايدك انت القرار يا تضحى برقيه وترضى بالأمر الواقع يا تضحى بأبوك وتقول الحقيقه

ركل الحائط بغضب شديد وقال

رائد :- ليه اتصعبت عليا لييييه مقدرش استحمل بعاد رقيه ولا اقدر اسلم ابويا لشرطه اعمل ايه بس يا ربى أنا عارف أن عصيتك كتير زمان وذنوبى لا تعد ولا تحصى بس بلاش الاختبار الصعب ده يارب

ربت على كتفه بحزن وقال

احمد :- الكلام ده مش هينفع دلوقتى لازم تاخد قرار وفى اقرب وقت

وفى ذلك الوقت خرجت رقيه مع العسكرى ركض إليها رائد ونظر لها بدموع وقال

-متخافيش يا حبيبتى هخرجك من هنا فى أقرب وقت

ابتسمت له ابتسامه حزينه وقالت

رقيه :- متقلقش عليا يا رائد، اوعى تفكر تعمل حاجه تندم عليها أنا راضيه باللى ربنا كاتبه ليا واللى مقدر ليا هو اللى هيكون

امسك يدها بشده مثل الطفل الصغير وقال بدموع

رائد :- أنا اللى محتاجك جنبى تقوينى يا رقيه قوليلى اعمل ايه

ربت على كتفه بحنو وقالت

رقيه :- ما قولتلك سيبها على ربنا واللى عايزه هو اللى هيكون المهم دلوقتى روح اطمن على ايدك المجروحه دى لسه بتنزف لحد دلوقتى

حرك رأسه بالنفى وقال

رائد :- جرح ايدى مش تعبنى اللى واجعنى بجد اللى حصلك يا رقيه أنا تايهه ومش عارف اعمل ايه

ابتسمت له بحب وقالت بترجى

رقيه :- متعملش حاجه وشيل اى تفكير اتجاه ابوك ده راجل كبير ومريض ومش هيستحمل لو بتحبنى بجد اوعى تفكر تسلم ابوك

وفى ذلك الوقت دفعها العسكرى حتى تتحرك معه وذهبوا إلى الحبس

نظر احمد إلى صديقه بحزن وربت على ظهره وقال

-يلا بينا يا صاحبى الواقفه هنا ملهاش لازمه

نظر له بدموع ثم نظر إلى أثر رقيه وتحرك معه إلى الخارج صعدوا السياره واتجه إلى المنزل.

…………………………………………………….
عند فاطمه