خداع انثي ج الاخير

احتضنها بقوه وقال بحزن شديد

رائد :- علشان خاطرى أهدى يا رقيه مش قادر اشوفك كده قلبى بيتقطع علشانك دموعك س\كينه بتدبحنى

أمسكت به بقوه وقالت من بين شهقاتها

رقيه :- أنا عايزه اخواتى يا رائد أنا ما صدقت خرجوا وهشوفهم قلبى كان طاير من الفرحه أن خلاص هنرجع تانى عيله ما بعض وهسند ضهرى عليهم ليه بيحصلى كل ده عملت ايه بس يا ربى أنا على طول برضى بقضائك

ربت على ظهرها بحنو وقال

رائد :- وحياتك عندى هرجعهم ليكى بس بعد ما يعرفوا الحقيقه ويعرفوا انك مظلومه هرجعهم ليكى حتى لو اتأذيت منهم مش مهم المهم ارجع الفرحه تانى لعيونك

ابتعد عنه بحزن وقالت

رقيه :- أنا داخله أنام تصبح على خير

وتركته ودلفت إلى الداخل وأغلقت الباب واسندت ظهرها عليه وظلت تبكى بشده

اقترب من الباب وسمع صوت بكاءها أغلق يده بغضب وقال بوعد

رائد :- وعد منى مش هخلى دموعك كتير على خدك يا رقيه بكره انسيكى كل لحظه اتوجعتى فيها وهعملك كل حاجه تفرحك

واتجه إلى شقته ودلف إلى الداخل وأغلق الباب خلفه.
………………………………………………..
اشرقت شمس صباح يوم جديد بنورها الساطع فى سماء الاسكندريه

استيقظ اسلام من نومه نهض من على فراشه وخرج من غرفته وجد هشام يجلس على الأرض نظر إلى الشقه بحزن شديد وقال

-الشقه دى محتاجه تدهن من اول وجديد الحيطان كلها فحمه من النار وعايزين نشوف كام حتة عفش نجيبهم نفرشهم هنا بدل العفش اللى اتحرق

اومأ برأسه وقال بتهكم

هشام :- اللى انت عايزه يا حبيبى هبقى اطلع كام الف من الخزنه ونجيب بيهم

ثم نظر له بغضب وقال

-منين يا حبيبى احنا لاقين ناكل علشان نشترى فرش جديد ده احنا خرجين من السجن على الحديده سيبك من الكلام الفارغ ده وفكر معايا اختك ممكن تكون عايشه عند مين كل ده اكيد يعنى مش نايمه فى الشارع والا كان زمانها مرميه فى السجن من زمان

زفر بضيق وجلس بجواره وقال

اسلام :- معرفش يا هشام

نظر له بضيق وقال

هشام :- أنا متأكد انك حتى لو عارف مكانها مش هتقولى بس انا مش هعتمد عليك وهدور عليها وهوصلها حتى لو كانت تحت الارض

نظر إلى المحبس المتواجد بأصابعه بحزن وتجمعت الدموع بعينه مسحها سريعا قبل أن تفر منهما وحرك يده عليها وتنهد بحزن وقال

اسلام :- أنا مياده وحشانى اوى ونفسى اشوفها حاسس ان قلبى مكسور نصين بسبب بعدها عنى