خداع انثي ج الاخير

نظر لها بأستغراب وقال بتساؤل

رائد :- أنا بعمل كل ده معاكى!؟ البيت ده مش انتى اللى اختارتى تهتمى بى لوحدك ومرضتيش اجيب ليكى واحده تساعدك فى البيت

نظرت له بضيق وقالت

رقيه :-اه تجيب واحده تساعدنى ولا تساعد حضرتك انا مش مستعده اصحى من النوم الأقى واحده نايمه جنبك على السرير فى اوضه تانيه زى زمان

زفر بضيق وقال بنفاذ صبر

رائد :- مش هنخلص من ام الموال ده بقى قولتلك أنا من يوم ما عرفتك عيونى مبصتش على حد غيرك أنا اتغيرت علشانك ومن يومها وانا مخلص ليكى انتى وبس يا رقيه أنا فعلا تعبت من الكلام فى الموضوع ده وزهقت

وتركها ودلف المرحاض

نظرت إلى أثره بضيق واكملت تجهيزها لحفل عيد الميلاد الخاصه بطفلها

بعد عدة دقائق خرج رائد من المرحاض ونظر إلى رقيه وجدها انهت ما كانت تفعله أخرج ملابسه وارتدها سريعا أخرج علبه قطيفه حمراء وزفر بضيق وتحرك اتجاهها ووضع أمامها هذه العلبه وقال بصوت مختنق

-اتفضلى كنت جايبها هديه ليكى وكان نفسى اقدمها ليكى بطريقه رومانسيه بس متدنيش فرصه

تركها وعاد مره اخرى وجلس على حافة السرير

اخذت هذه العلبه وقامت بفتحها ونظرت لها بأعجاب شديد واخرجتها منها وظلت تنظر لها واتجهت إلى رائد وجلست بجواره وقالت بأسف

رقيه :- ا ا انا اسفه انا مش عارفه ليه بقيت عصبيه كده ممكن يكون من الحمل متزعلش منى

نظر لها بأستغراب وقال بنبره منزعجه

رائد :- وايه مطلوب منى يعنى أجرى عليكى واقولك براحتك ولا يهمك اعملى اللى انتى عايزاه كل شويه عصبيه وشك وكلام زى الزفت وانا اعديها علشان بحبك بس فعلا انا خلاص تعبت يا رقيه زى ما انتى مضغوطه هنا أنا كمان مضغوط من الشركه علشان أكبرها واحافظ عليها ليكى انتى وعيالك أنا عينى مليانه بيكى ومافيش اى واحده تقدر تدخل قلبى غيرك ياريت تحطى الكلام ده فى دماغك علشان انا زهقت

نظرت له بتوتر وقالت

رقيه :- رقيه بتتأسف لرائد، رقيه بتحب رائد ومتقدرش على زعله ومش علشان هديه جبتها بس هحاول اكون أهدى من كده شويه

اخذ نفس عميق واخرجه بهدوء حتى يهدأ واقترب منها بحب وحاول تقبيلها

دفعته بعيد عنها وهدرت به بغضب وقالت

رقيه :- ابعد عنى انت شايف ده وقته لسه ورايا حاجات كتير معملتهاش

ونهضت سريعا وخرجت من الغرفه وتركته

نظر بصدمه إلى أثرها وقال بعدم تصديق

رائد :- لا مش طبيعيه اكيد الحمل ده عمل حاجه فى دماغها ربنا يصبرنى عليكى بس برضه مهما حصل بحبك