خداع انثي ج الاخير

-م م مياده

التفت باتجاه الصوت ووقفت مكانها بصدمه شديده وقالت بعدم تصديق

مياده :- ا ا اسلام

اقترب منها بحزن شديد وقال

اسلام :- مياده واحشتينى اوى

ظلت تنظر له بعدم تصديق ثم انهمرت دموعها بشدة وقالت

مياده :- وانت واحشتنى اوى يا اسلام أنا مش مصدقه نفسى أنك بتكلمنى دلوقتى حاسه نفسى بحلم ا ا انت خرجت امته وازاى

تنهد بحزن وقال

اسلام :- خرجت امته، امبارح ،
ازاى ، معرفش، فيه محامى مسك قضيتنا وخرجنا منها وبعد كده اختفى ومنعرفش مين وكله لينا

أمسكت يده وقالت بسعاده

مياده :- مش مهم مين خرجك، المهم دلوقتى انك خرجت وواقف قصاد عينى

ابعد يده سريعا وقال بحزن

اسلام :- مبقاش ينفع يا مياده انتى كلها كام يوم وتبقى فى عصمة راجل تانى

حركت رأسها بالنفى وقالت

مياده :- مش هيحصل أنا عمرى ما هكون فى عصمة أى راجل تانى غيرك يا اسلام

نظر لها بأستغراب وقال

اسلام :- ازاى وامك جابت ليا دبلتك وقالت إن فرحك اخر الشهر

ردت عليه سريعا وقالت

مياده :- أنا رفض وهددهم لو غصبوا عليا هموت نفسى ومستحيل اكون لحد تانى غير اسلام

ابتسم بسعاده وقال بحب

اسلام :- بجد يا مياده يعنى انتى رفضى العريس ده وهترجعى ليا

اومأت رأسها بالتأكيد وقالت

مياده :- ايوه يا اسلام ولو انت مكنتش جيت ليا النهارده كنت ناويه اجيلك انا الزياره الاسبوع الجاى واخد دبلتى تانى منك

ووضعت يدها أمام عينه وقالت

-رجع دبلتى مكانها يلا

نظر لها بحب وابتسم بسعاده وأخرج محبس الخطبه من جيبه ووضعه بأصابعها وقال

اسلام :- انتى اجمل حاجه فى حياتى

ابتسمت له بحب وقالت

مياده :- بحبك

رد عليها بسعاده وقال

اسلام :- وانا بعشقك اوعدك أن هعمل بكل وسعى علشان الاقى شغل ويتقفل علينا باب واحد

اومأت رأسها بالموافقه وقالت

مياده :- ايدى فى ايدك ونساعد بعض علشان نتجوز بقى ونخلص من كل المشاكل دى

امسك يدها وقال بعدم تصديق

اسلام :- انا مش مصدق نفسى أنا حياتى وقفت من اللحظه اللى امك جابت الدبله فيها ودلوقتى بس ردت الروح فيا من تانى

تكلمت سريعا وقالت بتساؤل

مياده :- طمنى على رقيه معرفتش هى فين برضه

حرك رأسه بالنفى وقال بحزن

اسلام :- لا معرفتش وقلقان عليها اوى بس فى نفس الوقت مش عايز اوصلها خايف عليها من هشام مش ناوى على خير ليها وانا مش هقدر احميها منه هو مفكر أنها السبب فى موت امى وبيزن على دماغى علشان عايزنى اكون معاه وفى صفه عليها