خداع انثي ج الاخير

-حاسس بأيه

اغلق عينه بألم شديد وقال بصوت ضعيف

أسر:- دايخ مش قادر اقف

وفى ذلك الوقت بدأ يفقد الوعي وسقط على الأرض مغشى عليه.
…………………………………………………
عند رقيه

اتجهت بحزن شديد إلى المشفى المتواجد بها الطبيب اسامه ودلفت إلى غرفته الخاصه وجلست على المقعد دون أن تتحدث إليه

كان يتحدث بالهاتف وعندما رأى رقيه ظهرت عليه علامات الارتباك والقى الهاتف سريعا على سطح مكتبه ونهض من على مقعده وجلس أمامها وقال بتوتر

-رقيه !! انتى خرجتى امته ؟

نظرت له بدموع وتكلمت بصوت حزين قائله

رقيه :- خرجنى وضحى بنفسه علشانى أنا

نظر لها بعدم فهم وقال بتساؤل

اسامه :- انتى بتقولى ايه مش فاهم

انهمرت الدموع بغزاره وقالت من بين شهقاتها

رقيه :- رائد سلم نفسه مكانى اعترف على نفسه وقال إن هو اللى عمل كده خرجنى ورمى نفسه هو فى النار

تنهد بحزن شديد على حالها وقال

اسامه :- هو عمل الصح يا رقيه هو للاسف بيدفع تمن غلط ابوه انتى ملكيش ذنب انتى ضحيه ما بينهم بلاش تحملى نفسك الذنب علشان خاطرى

نهضت بغضب وجلست على الارض وقالت بصراخ

رقيه :- هو معملش الصح يا اسامه هو عمل كده علشانى أنا ، انا السبب فى اللى هو صل ليه لو مكنتش ظهرت فى حياته مكانش حصله كل ده أنا السبب أنا السبب

اغلق عينه بحزن شديد ونهض من على مقعده وربت على كتفها وقال

اسامه :- أهدى يا رقيه حرام عليكى نفسك انتى كده ممكن يحصلك حاجه

ردت عليه من بين شهقاتها قائله

رقيه :- ياريت علشان ارتاح من الدنيا واللى فيها أنا وجودى فيها اصلا غلط من يوم ما جيت فيها وانا مشوفتش يوم حلو كل يوم اصعب من اللى قبله كل يوم بعيشه بيروح ضحيه بسببى

ثم نهضت مره اخرى ونظرت له وقالت بحسم

رقيه :- انا عرفت أنا هعمل ايه أنا لازم أخرج رائد بأى طريقه حتى لو هضحى بعمرى كله

وتحركت بأتجاه الباب ولكن أوقفها اسامه سريعا ونظر لها بغضب وقال

-انتى اتجننتى ناويه تعملى فى نفسك ايه يا رقيه رائد وراه محامى هيعرف يشوف شغله ويخرجه، كلها مسألة وقت مش اكتر

حركت رأسها بالرفض وقالت

رقيه :- مش هستحمل وجود رائد فى المكان ده ثانيه واحده تانى

ودفعته بعيد عنها وغادرت الغرفه وتركته

نظر إلى أثرها بصدمه ونظر إلى الهاتف واقترب منه والتقطه ونظر إلى الشاشه وجد المكالمه مازالت مستمرة حملق عينه بصدمه ووضع الهاتف على أذنه وقال بتوتر