خداع انثي ج الاخير

نظرت لها بحزن وقالت

رقيه :- شكلنا ملناش مكان فى الدنيا دى اللى ليهم مكان الناس الظالمه اللى بتاكل وتنهش فى الغلبان اللى شايله قلوبهم وحاطين مكانهم حجر

جلست بجوارها وقالت باهتمام شديد

-ادى قاعده شكلك حكايتك حكايه احكى ايه اللى جابك هنا

تنهدت بحزن وقالت بدموع

رقيه :-احكيلك ايه ولا ايه انا من يوم ما جيت لدنيا مشوفتش يوم حلو ويوم ما ضحكت ليا وفكرت أنها هتخدنى بالاحضان طلع فخ ورمتنى لسابع ارض

نظرت لها باهتمام شديد وقالت

-شوقتينى اسمع قصتك احكى بسرعه

ابتسمت لها ابتسامه حزينه وقالت

رقيه :- بس ياريت يبقى معاكى منديل علشان حكايتى زى الروايات بالظبط هتعيطى كتير

وبدأت تقص عليها الحكايه من بداية الأمر .
………………………………………………….
مر عدة أيام

لم يعود رائد إلى المنزل وبدأ أسر العلاج الكيماوى ومرت الايام على رقيه كأنها أعوام طويله وجاء يوم سماع الشهود بالق\ضيه

وقفت خلف القضبان الحديدية تنظر له بترجى والدموع تنهمر من عينيها تبادلوا النظرات كثيرا حتى سمع صوت القاضى وهو ينادى بأسمه كأحد الشهود فى هذه الق\ضيه هب واقفا من على مقعده وتحرك بقدم مرتعشه ينظر إلى رقيه تاره وإلى والده تاره ووقف أمام القاضى على منصة الشاهد

تكلم القاضى بنبرة أمر قائلا
-قول والله العظيم اقول الحق

انهمرت دموعه على وجينته وقال بصوت مرتعش
رائد:- والله العظيم اقول الحقيقه ثم نظر مره أخرى إلى رقيه

نظرت له بترجى وحركت رأسها بالرفض

تكلم القاضى بنبرة أمر قائلا

-تعرفت على المتهمه ازاى وتعرف ايه عن الق\ضيه

استدار إلى الخلف ونظر إلى والده الجالس على مقعده المتحرك وأخذ نفس عميق واعتدل مره اخرى لقد أخذ قراره النهائي الحاسم وقال

رائد:-………

…………………………………………………

“خداع انثى”42

رائد&رقيه

“البارت الثانى والاربعون”

استدار رائد إلى الخلف ونظر إلى والده الجالس على مقعده المتحرك وأخذ نفس عميق واعتدل مره اخرى لقد أخذ قراره النهائي الحاسم وقال

رائد:-انا اتعرفت على رقيه من اكتر من سنه قابلتها فى الطريق أثناء ما كنت فى الحاره بتاعتهم ووقتها كانت رقيه عامله فيها بنت عبيطه كانت هربانه من أهلها علشان عايزين يجوزوها واحد قد ابوها وانا وقتها طمعت فيها وكنت عايز اضحك عليها واخدها تعيش معانا فى الفيلا بتاعتنا وقعدت عندنا فتره كبيره بس معرفتش ألمسها ولما ملاقتش فايده منها رمتها تانى فى الشارع