خداع انثي ج الاخير

تحرك معه بعدم فهم وصعدوا السياره سريعا وقادها احمد بعيد عن قسم الشرطه ثم اوقف السياره مره اخرى وقال بتساؤل

احمد :- ممكن تفهمني فيه ايه وليه بعد ما كنت فرحان بخروجهم مشيت من غير حتى ما تقابلهم

تنهد بضيق وقال

رائد :- طلعوا هما اكبر أعداء لرقيه وناوين يؤذوها وبالذات اخوها الكبير اللى اسمه هشام مفكرها هى اللى قتلت أمه وعايز ينتقم منها وفى نفس الوقت عايز ينتقم منى أنا وابويا علشان كان هو السبب فى حبسهم ده احسن حاجه نختفى خالص من قصادهم وهما مش هيعرفوا يوصلوا لينا

نظر له بحزن وقال

احمد :- طيب واختهم اللى مستنياهم على احر من الجمر دى هتقولها ايه وازاى هتقدر تكسر فرحتها دى

حرك رأسه بالنفى وقال

رائد :- مش عارف الصراحه هتبقى صدمه كبيره ليها جدا لما اروح من غيرهم دلوقتى واقولها على اللى سمعته منهم

رد عليه بحزن وقال

احمد :- ربنا معاها صعبه جدا عليها

وأدار السياره مره اخرى واتجه إلى المنزل .
…………………………………………………
عند رقيه

أعدت رقيه اشهى الطعام لشقيقيها بسعاده عارمه وبعد الانتهاء اخذت حمام دافئ وارتدت ملابسها واتجهت إلى شقة عائلة رائد وضغطت على زر الجرس بابتسامة مرحه وبعد وقت فتحت لها سهير وقالت بنبره حنونه

-بسم الله ماشاءالله قمر يا بنتى

ردت عليها بسعاده وقالت

رقيه :- أنا فرحانه اوى يا ماما مش مصدقه نفسى أن خلاص هقابل اخواتى أنا كنت بحلم باليوم ده على طول

ربت على ظهرها وقالت

سهير :- ربنا يفرح قلبك يا بنتى دايما ادخلى يا حبيبتى

حركت رأسها بالنفى وقالت

رقيه :- لا مش هينفع زمان رائد واخواتى على وصول أنا جيت بس اقولك اعملى حسابك انك انتى ورائد هتتعشوا معانا

ردت عليها سريعا وقالت

سهير :- لا طبعا يا بنتى مش هينفع انتوا بقالكم كتير مشوفتوش بعض وعايزين تبقوا مع بعض شويه تتكلموا براحتكم الايام جايه كتير وان شاءالله نقعد معاهم ونتعرف عليهم

نظرت لها بضيق وقالت

رقيه :- ليه بس كده يا ماما انتى شايفه أننا غرب، احنا مش أهل ولا ايه

ابتسمت لها بحب وقالت

سهير :- أهل طبعا يا حبيبتى انتى بنت قلبى وأخواتك هيكونوا زى رائد ابنى بس الأصول بتقول كده روحى يا بنتى اقعدى مع اخواتك واشبعى منهم زمان رائد وأخواتك على وصول

تنهدت بسعاده وقالت

رقيه :- ماشى يا حبيبتى هروح أنا احضر الاكل على السفره عن اذنك