خداع انثي ج الاخير
خداع انثي ج الاخير
رقيه :- والله العظيم انت غلس وانا غلطانه أن بكلمك دلوقتى اقفل بقى علشان الحق اجهز نفسي على ما تيجى وتخدنى
تكلم سريعا وهو مازال يقهقه وقال
رائد :- استنى يا مجنونه متقفليش أنا تحت فى العربيه مستنيكى اخلصى بسرعه ولا تحبى اجى اساعدك
صرخت بنفاذ صبر وقالت
رقيه :- يا باااااارد اتلم
أغلقت الخط سريعا والقت الهاتف بجوارها ووضعت الوساده على وجهها وظلت تصرخ بتوتر شديد ثم اخذت نفس عميق ونهضت من على فراشها واتجهت إلى المرحاض وبعد دقائق خرجت منه وعادت إلى غرفتها ارتدت ملابسها وأدت فرضها وخرجت مره اخرى اتجهت إلى غرفة أخيها اسلام طرقت عليها عدت طرقات وفى ذلك الوقت فتح اسلام الباب بأعين ناعسه وقال بأبتسامه
-صباح الورد يا عروسه
اجابته بأبتسامه وقالت
رقيه :- صباح الفل يا قلب اختك يلا يا حبيبى اجهز علشان تروح مع رائد الفيلا علشان تجهزوا للفرح هو تحت هيودينى الفندق وهيرجع يخدك تكون جهزت ماشى
اومأ رأسه بالموافقه وقال
اسلام :- ماشى يا حبيبتى ربنا يسعدك يارب
نظرت له بحزن وقالت بصوت منكسر
رقيه :- كان نفسى هشام يكون معايا فى يوم زى ده
ربت على ظهرها بحنو وقال
اسلام :- حاولة معاه كتير والله بس هو رافض يجى، معلش بكره الايام تقربه لينا ويعرف أن احنا اكتر ناس بنحبه فى الدنيا دى بحالها
ابتسمت له بحزن وقالت بتمنى
رقيه :- يارب يا حبيبى يارب، يلا هنزل أنا وهاخد على سكتى مياده
وأشارت له بيدها وهى تتجه إلى الباب وقالت بسعاده
-بااااى اشوفك بليل بقى
وارسلت له قبله بالهواء وهبطت سريعا إلى الأسفل وجدت رائد ينتظرها داخل السياره صعدت على المقعد بجواره وقالت بخجل
-ص ص صباح الخير، وحسك عينك تنطق بكلمه فاهم
كبد ابتسامته وظل صامتا
نظرت له بضيق وقالت
رقيه :- انت مش بترد عليا ليه
نظر لها بأستغراب وقال
رائد :- مش انتى اللى قولتى اوعى تنطق بكلمه
نظرت له بضيق وقالت
رقيه :- انا مش قصدى متتكلمش خالص أنا قصدى متتكلمش كلامك قليل الادب ده
تعالت ضحكاته وداعب وجينتها بحب وقال
رائد :- بعشق جمال خدودك لما بتتكسفى ببقى عايز اكلهم اكل كده بس خلاص هانت كلها كام ساعه وهقطعهم
ظلت تلكمه بضيق وقالت بأبتسامه خجوله
رقيه :- رقيه مخصمه رائد علشان هو قليل الادب
ظل ينظر لها بحب شديد وقال
رائد :- تعرفى أن انا فى الوقت ده عشقتك بجنون غيرتى مفهوم الحياه عندى، من بعد ما رائد قابل رقيه وهو بقى ملك ليها هى وبس
