خداع انثي ج الاخير

تكلم بحزن على أخيه وقال

هشام :- طيب ما تروح تقابلها عند شغلها وعرفها انك خرجت

نظر له نظره مطوله وقال بتوتر

اسلام :- ا ا اروحلها، بس هقولها ايه بعد ما امها جابت ليا الدبله وهتبقى خلاص لواحد غيرى انا مش هقدر اشوف فى ايديها دبلة راجل تانى فى ايديها يا هشام

زفر بضيق وقال بنفاذ صبر

هشام :- ما طول ما انت سلبى كده مش هتقدر تعمل حاجه روح اتكلم معاها ولو بتحبك بجد هتسيب الدنيا كلها وتختارك انت بس وريها انك لسه شاريها وبتحبها

نهض سريعا من على الأرض وقال

اسلام :- عندك حق هروح اقابلها واللى يحصل يحصل

ودلف غرفته بدل ملابسه وخرج مره اخرى وغادر الشقه وهبط إلى الأسفل اوقف سيارة اجره وذهب إلى مقر عمل مياده .
…………………………………………………
عند أسر

كان يجلس فى إحدى الملاهى الليلي ويمسك بيده كأس الخمر وتجرعه دفعه واحده ولكنه تقئ الشراب سريعا وبدأ يتقيئ دم كثير حتى فقد الوعى وبعد وقت بدأ يفتح عينه ببطئ شديد ويغلقها مره اخرى من شدة الضوء حتى سمع صوت الطبيبه تقول له

فرح :- استاذ أسر سمعينى استاذ أسر

نظر لها بوهن وقال بصوت منخفض جدا

أسر :- أنا فين

ردت عليه بصوت هادئ وقالت

فرح :- انت فى المستشفى يا استاذ أسر الناس جابتك وانت مغمى عليك وقالوا انك رجعت دم كتير وده غلط جدا عليك وانا فهمتك وضع صحتك ايه ولازم نبدأ بالعلاج الكيماوى فى اسرع وقت

حاول ينهض من على السرير لكنه لم يستطيع قال بألم شديد

أسر :- وانا قولت مش موافق على الكيماوى ولا موافق اعمل عمليه مش مضمونه اصلا ومدام كده ميت وكده ميت يبقى ألحق اتمتع بحياتى فى اليومين اللى فاضلين ليا

حركت رأسها بالنفى وقالت

فرح :- حضرتك غلطان الاعمار بيد الله طبعا ولكن لكل داء دواء ومدام فيه أمل يبقى نتمسك بى وفى الاول والاخر كلنا هنموت بس فى ميعاد معين والمفروض حضرتك تتقرب لربنا فى الوقت ده مش تعصيه علشان يوم ما تقابله تبقى مستعد للحساب

ابتسم بتهكم وقال

أسر :- ده على اساس ان أنا مكنتش بقوم من على السجاده قبل المرض، انا واحد عاش حياته كلها فى المعاصى و الزنا هاجى فى اخر يومين فى حياتى اغيرها وابقى واحد تانى مستحيل طبعا

ردت عليه بنبره هادئه وقالت

فرح :- ربنا كبير وباب التوبه مفتوح فى اى وقت واهم حاجه التوبه تكون من القلب لأن ربك رب قلوب ساعات كتير اوى ربنا لما بيلاقى عبده غرقان فى المعاصى والشيطان غاويه بيبتلى بمرض علشان يفوقه ويرجعه تانى ليه وده من كرم ربنا الكبير وعطفه بيفتح عينينا علشان نرجعله واول ما نستغفره ونتوب ليه يتقبل مننا ويتولانا برحمته خد مرضك ده ک محنه واستفاد بمحنتك واقوى وغير حياتك ومتفكرش فى اللى فات وصدقنى ربنا هيشفيك وهترجع صحتك احسن من الاول بس توكل على الله وخد قرار علاجك ومتخافش