خداع انثي ج الاخير

-فيه ايه صوتك جايب اخر الشارع

زفرت بضيق وقالت

رقيه :- ابنك مدوخنى ومش راضى يلبس الشوز بتاعه ولسه عايزه اجهز علشان الناس اللى جايه عيد الميلاد ده

حمل طفله بين يده وقبله بحب وقال

رائد :-حبيب بابا مدوخ ماما ليه ومطلع صوتها

نظرت له بضيق وقالت بتهكم

رقيه :- صلاة النبى احسن هو ده اللى ربنا قدرك عليه أنا قريب اوى هسيب ليكم البيت واطفش ومحدش هيعرف ليا طريق

حاول كبد ضحكاته وقال

رائد :- الجمله الرسميه لكل امهات مصر

صرت على أسنانها بغضب وقالت

رقيه :- والله !!

اقترب منها وقبل رأسها وقال

رائد :- أهدى يا مجنونه انتى عارفه أن احنا من غيرك ولا حاجه وبعدين موضوع الشوز ده مش جايبه من بره ناسيه أمه عملت ايه فى ابوه قبل كده مش مكانتش راضيه تلبسه ووقعت الشيكولاته على البدله الجديده وبعدها زقتنى على البيسين

ابتسمت على كلماته وقالت بصوت هادئ

رقيه :- ما هو ابوه كان يستاهل علشان قليل الادب

نظر حوله وقال بتساؤل

رائد :- هى ماما فين

اجابته بأستغراب وقالت

رقيه :- مريحه شويه فى اوضتها
بتسأل ليه

ابتسم ونظر لها نظره ذات مغزى وقال بصوت هامس

رائد :- كنت عايزك فى موضوع خطير مسألة حياة أو موت ما تيجى نسيب حمزه مع ماما ونطلع اوضتنا

نظرت له بضيق وقالت

رقيه :- تصدق أنك راجل فايق و رايق شايفنى بطنى على اخرها وابنك مدوخنى ومجهزتش لعيد الميلاد وتقولى نطلع الأوضه ده أنا هطلع من هدومى بسببك انت وهو وتركته وذهبت

نظر إلى أثرها بغضب وقال

رائد :- ده انتى وليه بومه والله

ونظر إلى طفله وقال بمرح

-اهى ماما قلبت على بابا بسببك يا سى حمزه اعمل ايه انا دلوقتى

رد عليه بكلمات متقطعه وقال

حمزه :- انت لبس حمزه الشوز

رفع إحدى حاجبيه وقال

رائد :- والله !! ما كان من الاول بقولك ايه اطلع كلم تيته سهير عايزاك ضرورى وانا هطلع اصالح البومه دى اقصد امك

وانزله على الأرض وركض إلى الأعلى سريعا

دلف رائد إلى الغرفه وجد رقيه تقف أمام المراه بوجه عابس اقترب منها واحتضانها من الخلف وقبل عنقها بحب وقال بنبره هادئه

-مالك بس يا روحى بقيتى عصبيه اوى كده ليه

دفعته بعيد عنها وهدرت به بغضب وقالت

رقيه :- علشان انت مش حاسس بحاجه طول النهار فى الشغل ترجع بليل تاكل تنام أنما أنا بين ابنك والبيت والحمل اللى مطلع عينى عايز ترجع تشوف الست الفرفوشه النعنوشه إنما بقى تشاركنى ام القرف اللى انا فيه لا