خداع انثي ج الاخير

أسر :- انا مش عايز اكون مجرد حاله عندك مش عايزك تعاملينى زى اى حد

ابتلعت ريقها بتوتر وقالت بتلعثم

فرح :- ق ق قصدك ايه ؟

اقترب منها أكثر ونظر بعينيها وقال بنبره حاسمه

أسر :- أنا بحبك وعايزك تحبينى زى ما انا بحبك

دفعته بقوه وابتعدت عنه سريعا وقالت بتلعثم
.
فرح :- ا ا ايه اللى انت بتقوله ده انت اتجننت

اقترب منها مره اخرى وقال

أسر :- اه اتجننت حبك الدافع الوحيد اللى كان بيقوينى ويدينى امل ان اعيش علشانه وانا مستحيل اسمحلك تسحبى منى الامل ده

تراجعت إلى الخلف وحركت رأسها بالرفض وقالت بعدم تصديق

فرح :- انت ازاى تسمح لنفسك تقولى الكلام ده

حرك رأسه بعدم فهم وقال بنبره مختنقه

أسر :- انتى ليه ظهرتى فى حياتى وبالذات فى الوقت ده أنا عمرى ما امنت بالحب طول الوقت كنت شايفه لعبه بايخه ما بين اى اتنين حياة معقده تحت مسمى غريب اسمه الحب ولما قابلتك حسيت بحاجه فى عيونك بتشدنى ليكى كل لما اقاومهم يسحبونى ليهم اكتر خلتينى اخاف على نفسى فى الوقت اللى المرض سيطر فيه عليا يمكن لو مكنتش قابلتك مكانش همنى موت ولا غيره بس انا فعلا عايز اعيش بس اعيش ليكى انتى وبس بترجاكى اتقبلى حبى ده وخليكى جنبى

أغلقت عينيها بتوتر وقالت

فرح :- أنا مقدره كلامك ده والاحساس اللى انت حاسه بس صدقنى ده مش حب ، ده احساس كاذب بسبب الوقت اللى احنا قضنا مع بعض للعلاج ممكن مكانش حد فى حياتك بيهتم بيك وعلشان أنا كنت بعمل معاك كده طبيعة عملى كطبيبه ليك اتولد جواك الشعور ده بس لفتره مؤقته وبعد ما ربنا يتم شفاك على خير وترجع تعيش حياتك القديمه من تانى هتنسانى وكل حاجه هترجع لطبيعتها

حرك رأسه بالنفي وقال بضعف

أسر :- للاسف كنت اتمنى أن يكون احساس غلط ولا مؤقت بس انا بحبك بجد يا فرح حاولة ارجع لحياتى القديمه معرفتش، شايفك فى كل واحده قصادى سامع صوتك انتى وبس مش قادر المس واحده غيرك أنا حياتى بدأت من اللحظه اللى شوفتك فيها

اخذت نفس عميق حتى تهدأ وقالت بنبره هادئه

فرح :- طيب خلى الكلام ده بعدين اهم حاجه دلوقتى تعالى نكمل علاجك الوقت مش فى صالحنا والفرصه بتقل مش حابه أننا نلجأ للجراحه ونضيع كل المجهود فى العلاج اللى فات

شعر بدوار شديد برأسه تأرجح بجسده وكاد أن يقع ولكن يد فرح أمسكت به سريعا ونظرت له بتوتر وقالت بقلق شديد