خداع انثي ج الاخير
خداع انثي ج الاخير
اومأ رأسه بالموافقه وقال
رائد :- حاضر، هروح أنام شويه علشان اكون فايق بليل
اقترب منها فاجئه قبلها بوجينتها وركض إلى الشقه الخاصه به
وضعت يدها مكان القبله ونظرت إلى أثره وابتسمت بخجل ودلفت إلى الداخل وأغلقت الباب خلفها.
………………………………………………..
استيقظ أسر من نومه بجسم هزيل من شدة المرض على صوت رنين هاتفه التقطه بضعف شديد وجدها الطبيبه فرح اجب عليها قائلا
-خير يا دكتوره
إجابة عليه بترحاب وقالت
فرح :- اخبارك ايه يا استاذ أسر
أجابها بألم وقال
أسر :- تعبان جدا يا دكتوره انا مش قادر اكل اى حاجه معدتى هتموتنى وترجيع الدم مش بيوقف خالص حتى المسكن اللى انتى كاتباه مش بيعمل معايا اى حاجه
ردت عليه بأسف وقالت
فرح :- للاسف مش هيعمل معاك اى مفعول لأن المرض اللى عندك صعب يتفاعل معاه اى مسكن
تكلم بأستغراب وقال
أسر :- المرض اللى عندى !؟ قصدك ايه بالكلمه دى
إجابة عليه بتردد وقالت
فرح :- نتيجة التحاليل طلعت يا استاذ أسر وزى ما اتوقعت حضرتك عندك كانسر فى المعدة وفى مرحلته التانيه
رد عليها بصدمه وقال
أسر :- كانسر !!
تكلمت بأسف وقالت
فرح:- انا اسفه تحاليل حضرتك معايا اهى بس مش عايزاك تخاف وتقلق الطب اتقدم وكل حاجه ليها علاج والمرض ده بقى علاجه سهل جدا ومتوفر فى مصر
رد عليها بحزن وقال
أسر :- يعنى خلاص هى دى نهايتى
ردت عليه سريعا وقالت بنفى
فرح:- لا متقولش كده يا استاذ أسر الاعمار بيد الله وارجوك بلاش تتوتر وتزعل لأن الحاله النفسيه للمرض ده مهمه جدا فى العلاج وفيه ناس كتير جدا جالهم المرض ده وتعافوا منه وعايشين حياتهم دلوقتى هنتظر حضرتك بكره فى العياده علشان نتكلم فى التفاصيل اكتر
رد عليها بضيق وقال
أسر :- ربنا يسهل مع السلامه
اغلق الخط معها وابتسم بحزن وقال
-نهايتك جات بدرى اوى يا أسر مكانش هى دى النهايه المتوقعه بس لازم استمتع بكل دقيقه باقيه فى حياتى مدام خلاص مبقاش فيه وقت كتير
ونهض من على السرير ودلف المرحاض.
……………………………………………….
عند فاطمه
تكلمت بغضب بالهاتف مع إحدى رجالها قائله
-ازاى يعنى مش عارفين توصلوا لمعلومات عنها !؟
رد عليها بهدوء قائلا
-مافيش اى معلومات عنها ومش بتنزل من البيت علشان الرجاله تمشى وراها وتراقبها وتعرف بتروح فين ونسأل عنها
