خداع انثي ج الاخير

حرك رأسه بالنفى وقال

أسر :- متقلقش سيادتك دى اخر مره لأن هى دى الحقيقه ودى النهايه مبقاش فيها حاجه تانى تتقال

أمر القاضى بأعادة التحقيق فى هذه الق\ضيه وبرأة رائد من التهم المنسوبة إليه

قفزت رقيه بسعاده عندما سمعت الحكم وركضت بأتجاه رائد وقالت بعدم تصديق

-انا مش مصدقه نفسى اخيرا يا رائد اخيرا ظهرت الحقيقه

لكن ظهر على ملامح رائد الحزن وهو ينظر إلى أسر وماجد

نظر أسر له بحزن وهو يسير وبيده الأسوار الحديديه واغلق عينه بندم وتحرك مع العسكرى إلى الخارج

نظرت إلى ما ينظر إليه رائد ثم إعادة النظر له وقالت بسعاده

رقيه :-من هنا ورايح متبصش وراك من النهارده هنبص قدامنا هنعيش ايامنا بسعاده مفيهاش لا غش ولا خداع هنعيش حياة هاديه بعيد عن الحقد والغل هنعيش فى سلام

نظر إلى والدته ثم نظر إلى رقيه وابتسم لهم ابتسامه هادئه وذهب مع العسكرى.
……………………………………………………
خرجت رقيه من قاعة المحكمه وهى سعيده للغايه ف اليوم بدايه مشرقه لحياه سعيده هادئه تحركت إلى الخارج ووجدت اخيها اسلام ينتظر خروجها نظرت إليه بحزن شديد واقتربت منه ببطئ وظلت تنظر له بصمت تام وفجأه ارتمت داخل أحضانه وظلت تبكى

ربت على ظهرها بحنو وقال بأسف

اسلام :- أنا اسف يا رقيه اسف أن اتخليت عنك وقت ما كانت عيونك بتستنجد بيا اسف أن سمحتلك تمشى ومأخدكيش فى حضنى وحميتك من الدنيا بحالها أنا عارف ان كنت ضعيف ومستحقش اكون اخ ليكى بس نفسى تسامحينى

تكلمت سريعا وقالت بدموع

رقيه :- أنا مقدرش ازعل منك يا حبيبى انت عارف ان مهما حصل هفضل فخوره بيك وهتفضل سندى وضهرى فى الدنيا دى

تكلم بدموع وقال بصوت منكسر

اسلام :- دورت عليكى كتير بس مقدرتش اوصلك لحد ما جات مياده وقالت ليا اللى حصل وقالت ليا أن النهارده هلاقيكى هنا واحشتينى اوى يا رقيه اوى يا حبيبتى

ابتسمت بحب وقالت بنبره هادئه

رقيه :- من النهارده مش هنبعد عن بعض تانى هنفضل مع بعض دايما

ثم نظرت حوالها وقالت بصوت حزين

-كان نفسى هشام يبقى معانا النهارده كان نفسى ينسي كل اللى فات ويحبنا زى ما بنحبه

اومأ رأسه بالتأكيد وقال

اسلام :- هيحصل بس محتاجين شوية وقت على ما نخليه يتنازل عن اللى تزرع فى قلبه لينا

ابتسمت له بحب وقالت

رقيه:- وانا هفضل مستنيه ده لاخر يوم فى عمرى