خداع انثي ج الاخير

تكلمت بغضب شديد وقالت

فاطمه :- مليش دعوه بالكلام ده انا عايزه معلومات عنها بأى طريق تتصرف وتعرف هى مين وبنت مين وبتشتغل فين ومتتصلش بى الا معاك المعلومات دى فاهم

أغلقت الهاتف بغضب والقته بجوارها ونهضت من على السرير وخرجت من غرفتها واتجهت إلى غرفة ابنها فتحت الباب ودلفت إلى الداخل وجلست بجواره على السرير وقالت

فاطمه :- امته تكبر وتجيب لامك حقها من الحيوان ابوك اللى ما فكر حتى يشوفك ولا معترف بيك اصلا بس متقلقش امك هطلع عينه هتحرق قلبه على اقرب حد ليه هخليه يجى راكع تحت رجلى يطلب السماح وسعتها هفعصه بجزمتى وهطفى نارى وهتشوف ده بعينيك

ثم قبلته وخرجت من الغرفه هبطت إلى الأسفل وبدأت تتناول طعامها
………………………………………………..
جاء الليل وهبط رائد سريعا إلى الأسفل بعد اتصال احمد به صعد السياره بسعاده ونظر إلى صديقه وقال

رائد :- امشى يلا بسرعه مستعجل اشوف لقاء رقيه مع اخواتها

نظر له بأستغراب وقال

احمد :- انت مستعجل على خروجهم اوى كده ليه

رد عليه بسعاده وقال

رائد :- علشان هسيبهم يرتاحوا النهارده وبكره هطلب منهم ايد رقيه ونتجوز بقى

نظر له بقلق وقال

أحمد :- مش عايزك تتسرع يا رائد متنساش أنها مطلوب القبض عليها وممكن فى اى وقت تتحبس مدام مافيش اى دليل يثبت براتها

نظر له بغضب وقال

رائد :- رقيه مظلومه يا احمد وانت عارف كده وانا مستحيل اتخلى عنها أنا بحبها ومستحيل ابعد عنها فى يوم من الايام انا مستنى خروج اخواتها بفارغ الصبر علشان نتجوز بقى ويتقفل علينا باب واحد وامشى بقى علشان منتأخرش

نظر له بقلق وتحرك سريعا بالسياره و بعد وقت وصلوا قسم الشرطه وبدأ المحامى فى الإجراءات القانونية ووقف رائد ينتظر خروجهم وشعر بضرورة دخول المرحاض ذهب سريعا وبعد عدة دقائق عاد مره أخرى إلى مكانه ووجد هشام وأخيه ينتظرون وصوله وهما يتحدثون وقبل أن يقترب منهم سمع حوارهم بصدمه

ابتسم هشام بسعاده وقال

-يااااااه اخيرا هنشوف الاسفلت يا اسلام أنا أول حاجه هعملها هدور على مقصوفة الرقبه رقيه علشان اشرب من دمها واجيب حق امنا

نظر له بضيق وقال

اسلام :- انت لسه مصمم على اللى عايز تعمله ده قولتلك مستحيل رقيه تعمل كده رقيه مستحيل تقتل يا هشام

رد عليه بغضب وقال

هشام :- انت لسه مصمم تبقى غلبان وعبيط مين السبب فى اللى احنا فيه ده مش هى حتى لو مش هى اللى قتلت بس بسببها هى خسرنا كتير امى ماتت بسببها خطيبتك سابتك بسببها اترمينا هنا ظلم بسببها انت وعدنى انك هتبقى معايا فى اللى بعمله متجيش دلوقتى وتغير كلامك احنا لسه ورانا مشوار طويل لسه هندور على البت دى وننتقم منها ولسه هندور على مدحت وعيلته وهندفعه التمن على كل اللى عمله فينا هنحرق قلبه على اعز ما ليه