خداع انثي ج الاخير

ربت على ظهره وقال بسعاده

احمد :- ربنا يديم عليك فرحتك يا صاحبى يارب، على بليل أن شاءالله هخلص اورقهم ويخرجوا واتصل بيك تيجى تخدهم

رد عليه سريعا وقال

رائد :- لا طبعا هكون معاك وانت بتخلص ليهم كل حاجه ونخرج مع بعض

اومأ رأسه بالموافقه وقال

احمد :- تمام مافيش مشكله هتصل بيك اول ما أنزل على طول واجى اخدك بالعربيه

رد عليه بسعاده وقال

رائد :-ماشى هروح أنا بقى علشان افرح رقيه سلام

ركض سريعا اوقف سيارة اجره وصعد بها وعاد مره اخرى إلى البيت وصعد إلى الأعلى وظل يضغط على زر الجرس الخاص برقيه

فتحت الباب سريعا وقالت بقلق

رقيه :- ها طمنى عملتوا ايه

نظر لها نظره مطوله وظل صامتا

ردت عليه بضيق وقالت

رقيه :- رد عليا يا رائد متغلسش اخواتى خرجوا ولا لا

رد عليها سريعا وقال بسعاده

رائد :- مبروك يا قلبى اخواتك احرار دلوقتى

ارتمت داخل أحضانه بسعاده وقالت

رقيه :- انا بحبك اوى يا رائد شكرا بجد على اللى عملته علشانى ربنا يخليك ليا

ضمها أكثر داخل أحضانه وقال بحب

رائد :- وانا بعشقك يا روحى ومستعد اعمل اى حاجه علشان اشوف الفرحه اللى فى عيونك دى

حملقت عينيها بصدمه وابتعدت عنه سريعا وقالت بخجل

رقيه :- ا ا انا مش عارفه عملت كده ا ا ازاى اندفعت من الفرحه

ابتسم لها بحب وحرك أنامله على وجينتها بحنو وقال

رائد :- مش عايزك تندمى على اى حاجه بتحصل ما بينا يا رقيه وخصوصا لو طالعه تلقائيه احنا حبنا اقوى من اى حاجه مشاعرنا شعله ملتهبه بنخمد فيها لحد ما يجى اليوم اللى يتقفل علينا باب واحد بالحلال

نظرت إلى الأرض بخجل وقالت

رقيه :- م م ماشى المهم دلوقتى فين اخواتى

ابتسم بحب على خجلها وقال

رائد :- بليل هنروح نجيبهم أنا والمحامى عايزك بقى تعملى ليهم لقمه حلوه لحد ما نيجى وانا هخلى امى تجيب ليهم كام طقم من هدومى علشان لما يجوا يخدوا حمام سخن ويغيروا هدومهم

حركت رأسها بالنفى وقالت

رقيه :- لا طبعا أنا هروح معاكم أنا هموت واشوفهم ومش هستحمل الانتظار اكتر من كده

رد عليها بضيق وقال

رائد :- تيجى معانا فين انتى مجنونه انتى ناسيه انك مطلوب القبض عليكى ولو جيتى معانا هتتعرفى انك اختهم رقيه ومش هترجعى معانا وهتدخلى الحبس انتى اسمعى الكلام واستنى هنا اعملى اللى قولتلك عليه

زفرت بضيق وقالت

رقيه :- ماشى بس متتاخروش