خداع انثي ج الاخير

حاول مدحت النهوض لكن ازداد الالم بقلبه وسقط على الأرض فاقد الوعى وانتقل سريعا إلى المشفى.

………………………………………………….
عند أسر

انتهت جلسة الكيماوى الخاصه بأسر تمدت على السرير بجسم هزيل من شدة المرض دخلت الطبيبه إليه وابتسمت له ابتسامه هادئه وقالت

فرح :- عامل ايه دلوقتى

نظر لها بوهن وقال بصوت ضعيف جدا

أسر :- انا تعبت من الكيماوى ده مافيش اى طريقة علاج تانيه غيره

اومأت رأسها بالتأكيد وقالت

فرح :- فيه الجراحه بس نسبتها قليله جدا يعنى منصحش بيها خلينا نكمل جلسات الكيماوى ونشوف النتيجه فى الاخر هتكون ايه يمكن تخف منه من غير ما تحتاج عمليه

تكلم بألم شديد وقال

أسر :- بس انا تعبت اوى منه

ربت على كتفه وتكلمت بنبره قويه

فرح:- لا اجمد شويه يا بختك ربنا بيحبك علشان ابتلاك بمرض زى ده يخفف ذنوبك اتجدعن كده علشان تنجح فى الامتحان وتعيش حياتك الجايه كلها سعاده وهنا أن شاءالله

نظر لها نظره مطوله استمد منها قوته ثم ابتسم بسعاده وقال

أسر :-فيكى طاقه ايجابيه غريبه لما بتتكلمى معايا وانا فى عز ضعفى بحس أن بقوة بيكى

تراجعت إلى الخلف بتوتر وقالت

فرح :- ا ا انا مبعملش حاجه د د ده شغلى ولازم اساعد المريض بتاعى يقوه واحسن نفسيته علشان العلاج يجيب نتيجه معاه

نظر لها بحزن وقال

أسر:- يعنى انتى بتعملى كده مع كل المرضى بتوعك

نظرت له بتوتر واومأت رأسها بالتأكيد وقالت

فرح :- ا ا ايوه

ابتسم بحزن وقال بتهكم

أسر :- وانا عبيط فكرت أن طريقتك دى معايا أنا بس

ثم نهض من على السرير بضعف شديد وكاد أن يقع تحركت فرح سريعا وحاولة أن تمسك به لكنه رفض وابعد عنها سريعا وقال

-انا كويس متقلقيش

نظرت له بأستغراب وقالت بعدم فهم

فرح :- أنا قولت حاجه ضايقتك

حرك رأسه بالنفى وقال

أسر :- لا بس أنا لازم امشى

ردت عليه سريعا بالرفض وقالت

فرح :- تمشى !! لا طبعا مينفعش تمشى دلوقتى انت لسه مخلص الجلسه وجسمك ضعيف

تكلم بعدم اهتمام وقال

أسر :- مش هيحصل حاجه أنا عارف نفسى وشكرا يا دكتوره على اهتمامك عن اذنك

وخرج من الغرفه وغادر سريعا

جلست على السرير بأستغراب ونظرت إلى أثره وحركت رأسها بعدم فهم وقالت

فرح
:- ماله ده زعل من ايه انا معملتش حاجه ليه

ثم نهضت بعدم اهتمام وقالت

-وانا هشغل تفكيرى بيه ليه لما اروح اشوف شغلى.