خداع انثي ج الاخير

تكلمت رقيه سريعا وقالت

-ازاى طيب والتحليل اللى كان معاها وأثبتت فيه أن الولد ابنه

رد عليه بتوضيح قائلا

احمد :- تحليل مزور كانت دافعه فلوس علشان يطلع ليها النتيجه دى

نظرت إلى رائد بعدم تصديق وقالت بسعاده

رقيه :- مبروك يا حبيبى رجوع الشركه ليك أنا فرحانه ليك اوى اخيرا هترجع توقف على رجليك من جديد

امسك يدها بحب وقال

رائد :- نوقف على رجلينا انا وانتى مع بعض من النهارده انا وانتى واحد وكل حاجه تخصنى تخصك وايدى فى ايديكى هنرجع الشركه توقف على رجليها من جديد

اومأت رأسها بالتأكيد وقالت بحب

رقيه :- طبعا يا حبيبى أنا جنبك وهفضل معاك وفى ضهرك لاخر يوم فى عمرى

امسك يدها وابتسم لها بسعاده وتحركوا سريعا وصعدوا سيارة احمد وغادروا المكان .
……………………………………………………

خداع انثى”46

رائد&رقيه

“البارت السادس والاربعون والاخيره ج1”

بعد مرور فتره من الزمن

دخلت رقيه بغضب شديد إلى المكتب الخاص برائد وعقدة ذراعيها على صدرها بضيق وظلت تنظر له

نظر إليها بقلق شديد وابتلع ريقه بتوتر ونهض سريعا من على مقعده واتجه إليها بأبتسامه قائلا

-حبيبت قلبى نورتى الدنيا كلها واحشتينى

وحاول احتضنها

دفعته بغضب وقالت

رقيه :- والله، انت هتستعبط يا رائد بتعمل ايه كل ده فى الشغل انت ناسى أن بكره فرحنا ولسه ورانا حاجات كتير ناقصه

ابتسم لها بأسف وقال

رائد :- اسف يا حبيبتى كان فيه شغل كتير اوى ورايا لازم اخلصه النهارده علشان من بكره ابقى ليكى أنتى وبس ونعيش حياتنا واعرف اقطعك براحتى

لكمته بقوه على صدره وقالت بضيق

رقيه :- اتلم يا رائد وبلاش قلة ادب وامشى يلا خلينا نجرب البدل علشان لو محتاجه حاجه نخلص مافيش وقت

اقترب إليها بحب وقال

رائد :- يا سلام، انت تأمر يا قمر

زفرت بضيق وقالت بنفاذ صبر

رقيه :- ربنا يصبرنى عليك مافيش فايده

وتحركت سريعا إلى الخارج وتركته

ابتسم على تذمرها وتحرك سريعا خلفها وهبطوا إلى الأسفل صعدوا السياره وتحرك بها وغادر المكان.

…………………………………………………..
بأحدى مشفيات الأمراض النفسية

جلست فاطمه على السرير وهى تضع الوساده على قدميها وتضمها بصدرها قائله بخوف شديد

-ششش بس يا حبيبى متعيطش متخافش ماما معاك مش هتسيبك ثانيه واحده، بس يا روح ماما أنا جنبك اهو