خداع انثي ج الاخير

-مفكره أن انا مش هعرفك لما تغيرى شكلك كده نورتى يا بنت ابويا كويس انك جيتى برجلك

وأمسك ذراعها بقوه ودفعها إلى الداخل والقها على الأرض واغلق بالباب بقوه ومال بجسده وأمسك شعرها بقوه وقال

-ورحمة امى لادفعك التمن غالى اوى يا رقيه طول عمرك عايشه مع امى وبتكرهيها وفى الاخر ماتت بسببك انتى

نظرت له بألم والدموع تنهمر من عينيها وقالت من بين شهقتها

رقيه :- أنا مستحيل اعمل كده وانت عارف يا هشام ولو هندور على مين السبب ، انت يا هشام السبب فى كل اللى حصل لينا ده لو مكنتش غصبت عليا علشان اتجوز الراجل الكبير بالعافيه مكنتش هربت ووقعت فى سكة رائد وبعد كده فى سكة ابوه لو عايز تعاقب حد فعاقب نفسك انت عاقب جشعك على الفلوس اللى عمى عينك وقسي قلبك على اقرب حد ليك أنا عمرى ما كنت وحشه مع حد فيكم طول عمرى بحبكم وبخاف عليكم حتى امك أنا عمرى ما كرهتها رغم كل اللى عملته فيا وفى أمى كنت بديها أسبابها اللى تخليها تكرهنا بالشكل ده وكنت بعامل ربنا قبل اى حد فيكم انا تعبت من الدنيا دى وانا فيها لوحدى أنا جيت علشان محتاجكم يا هشام محتاجه اخواتى يسندوا ضهرى ويخلونى أواجه الدنيا وانا مش خايفه من حاجه محتاجه اخواتى وعزوتى يكونوا فى حياتى مش عايزه اعيش وحيده وانا ليا أهل يا هشام

ضغط بقوه على شعرها وقال

هشام :- الشويتين دول مش هينفعه معايا زى اسلام وابوكى
أنا هشرب من دمك وهخلص منك وكده كده الحكومه بدور عليكى ومش هتعرف طريقك فين

ووضع قبضت يده حول عنقها وبدأ يضغط عليها بقوه

بدأ يظهر على وجهها علامات الاختناق وتحاول تبعده عنها

ظل يضغط بقوه على عنقها حتى سمع صوت طرقات على الباب نظر إلى الباب بغضب ثم نظر إلى رقيه وجدها فاقده الوعى حملها بين ذراعيه سريعا واتجه إلى الغرفه وضعها على السرير واغلق الباب بالمفتاح واتجه إلى باب الشقه وقام بفتحه و حملق عينه بصدمه وقال

-انت ده النهارده بقى شكله يوم حظى اتفضل اتفضل

تحرك إلى الداخل وقال
-اول حاجه اهدا واسمعنى للآخر وبعد كده اللى انت عايز تعمله اعمله

ابتسم له بتهكم وقال
هشام :- قول واشجينى واللى فى دماغى برضه هنفذه

اخذ نفس عميق وقال

-رقيه ملهاش ذنب هى مقتلتش امك ولا كانت السبب فى قتلها رقيه اتظلمت على يد

تدخل بالكلام سريعا وقال

هشام :- على يد مدحت ابوك صح