خداع انثي ج الاخير

اقترب اكثر منها وضمها داخل أحضانه وقال بنبره هادئه

رائد :- أهدى يا حبيبتى مافيش حاجه تستحق زعلك ده كله أنا لما صممت اعمل فى أكبر قاعه واعزم كل رجال الأعمال ده لمصلحتنا علشان اقدر اقف على رجلى من جديد و بدعمهم الشركه ترجع زى الاول واحسن واخوكى هو حر لو مش عايز يبقى براحته مش اسلام اخوكى موجود وهيبقى هو الوكيل بتاعك وجوده كفايه
مش عايزك تخافى ولا تفكرى فى اى حاجه عايزك تبقى فرحانه وبس اخيرا أنا وانتى هنتجوز وهنبقى لبعض بعد اللى عشناه وشوفناه طول السنه اللى فاتت دى هيتقفل علينا باب واحد بالحلال وهنبقى اسعد اتنين أنا بحبك يا رقيه علشانك اتغيرت وبسببك أنا بقيت كده مش عايز اى حاجه تعكر فرحتنا ببعض ماشى يا قلبى

ابتعدت عنه ونظرت له بحب واومأت رأسها بالموافقه وقالت

رقيه :- حاضر ، أنا مش قصدى اعكنن عليك ولا اعكر فرحتنا والله بس غصب عنى خايفه ومتوتره

أجابها بنبره هادئه وقال

رائد :- طبيعى تبقى كده يا عمرى لانك داخله على حياة جديده وانا أن شاءالله هعرف ازاى اضيع توترك ده بكره وانسيكى كل حاجه

تنهدت بحب وقالت

رقيه :- ماشى يلا بقى أنا لازم اطلع تصبح على خير

ثم هبطت من السياره ونظرت له من النافذه وقالت

-روح على طول اوعى تروح كده ولا كده وابقى طمنى لما تروح

ابتسم لها وقال بنبره مرحه

رائد :- تمام يا فندم علم وسينفذ

ابتعدت عن السياره بأبتسامه ولوحت له بيدها وصعدت إلى الشقه سريعا

نظر إلى أثرها بحب وابتسام بسعاده وادار السياره وغادر المكان سريعا.

……………………………………………………
اشرقت شمس صباح يوم جديد بنورها الساطع فى سماء الاسكندريه استيقظت رقيه على صوت رنين الهاتف الخاص بها أخذته بأعين مغلقه وإجابة عليه بصوت ناعس قائله

-الو

أتاها صوت رجولى وقال

-ده على أساس النهارده فرحنا ومصحاش متأخر وكده

فتحت عيناها سريعا ونظرت إلى شاشة الهاتف وحملقت عيناها بصدمه وقالت

رقيه :- يا لهوووى أنا نمت كل ده ازاى !؟

أجابها بصوت ضاحك قائلا

رائد :- شكلك كنتى سهرانه طول الليل بتفكرى فى حاجه كده وكده يا قليلة الادب

هدرت به بغضب وقالت

رقيه :- رائد، اتلم

تعالت ضحكاته وقال

رائد :- هموت واشوف شكلك النهارده بعد اللى هيحصل ما بينا بليل مستعجل اوى على اللحظه دى

زفرت بضيق وقالت بصوت متوتر