خداع انثي ج الاخير
خداع انثي ج الاخير
اقترب منهم سريعا وحاول أن يغرز السكين فى جسد رائد لكنه امسك السكين قبل أن تلمسه
صرخت بصوت مختنق وقالت
رقيه :- كفايه بقى حرام عليك انت ليه مصر تكرهنى فيك طول عمرك قاسى عليا وبتيجى عليا وتظلمنى عمرى ما كرهتك ولا اتمنيت الشر ليك ابعد عنى أنا خلاص مش عايزه اعرفك تانى ولا يبقى ليا اخ مفترى زيك
دفع هشام رائد بقوة وسحب منه السكين وتسبب ذلك فى جرح يده وبدأ الدم يندفع بغزاره
ركضت رقيه بخوف شديد وامسكت يده وقالت بدموع
-رائد انت كويس ؟
اومأ رأسه سريعا وقال بنبره هادئه
رائد:- أنا كويس يا رقيه أهدى متخافيش
اقترب هشام سريعا وحاول طعن رقيه بالسكن لكن قبل أن تصل السكين إليها وصل اسلام وأمسك يده سريعا وصاح بغضب شديد قائلا
-ايه اللى انت بتعمله ده يا هشام انت اتجننت
حاول دفع اسلام بقوه وقال بغضب
هشام :- سيبنى يا اسلام خلينى اشرب من دمهم واجيب حق امى منهم
نظرت إلى اسلام بدموع واقتربت منه قائله
رقيه :- اسلام اوعى تكون انت كمان مصدق أن انا السبب فى موت امك أنا عمرى ما اعمل كده
حرك رأسه بحزن شديد وقال
اسلام :- عارف يا رقيه بس أرجوكى امشى من هنا بسرعه و اوعى تيجى هنا تانى
نظرت له بدموع وترجى
صاح بها مره آخره وقال
اسلام :- بقولك امشى من هنا بسرررررعه
امسك يدها سريعا وتحرك بأتجاه الباب وقال
رائد :- امشى يلا يا رقيه
نظرت خلفها إلى أخيها وانهمرت دموعها بغزاره وتحركت معه إلى الخارج
حاول دفع اسلام بقوه وصاح بغضب شديد قائلا
هشام :- اوعى يا اسلام بلاش تساعدهم يهربوا منى مش هرحمهم لو راحوا فين
دفعه بقوه أسقطه على الأرض وقال بغضب
اسلام :- ما تهدا بقى يا اخى مش هتستفاد حاجه لما تأذى اختك انت كده هضيعها وتضيع نفسك كمان
صر على اسنانه بغضب وقال
هشام :- كلامك ده مش هيغير اللى فى دماغى يا اسلام وهوصل ليهم لو راحوا فين
حرك رأسه يمينا ويسارا وقال بعدم رضا
اسلام :- هتندم على كل اللى بتقوله ده بعدين ربنا يهديك لنفسك
وتركه ودلف الغرفه
نظر إلى باب الشقه بتوعد وقال
هشام :- هقتلك يا رقيه انتى واللى معاكى هقتلكم واشرب من دمكم.
……………………………………………………
امسك رائد يد رقيه وهبطوا سريعا من على الدرج لكن أوقفته بغضب وقالت بعدم رضا
رقيه :- أنا مستحيل امشى أنا لازم اقنع اخواتى أن انا مليش يد فى موت أمهم أنا هفضل هنا مهما حصل
