سطور عانقها القلب 2

– وعشان مفضلش عمري كله ، في الصوره الوحشه ديه احمد أنا و أبوك .. كنا هنرضخ لرغبتك ..، لكن

رفع رأسه ، بعدما أستمع لعبارة شقيقه الأخيره ، فقد مضي الوقت وفات الأوان ومن يتحدثون عنها قد رحلت

– كانت ماتت يا عامر ، مش كده ..، ماتت وابني اللي في بطنها مات وراح

……………

الفصل التاسع

*******

احتضنته بقوه تضمه اليها كالطفل الصغير تخشي مفارقته ، فانحني “احمد ” نحوها بشفتيه يلثم كفيها يتمتم بدعابه

– هتوحشيني اووي يانونه ، خلي بالك من نفسك

فبكت “ناهد” وهي تشدة نحوها أكثر ، لا تُريد تركه

– هيوحشني حنانك عليا يا ابني ، انت الوحيد اللي معقبتنيش علي غلطتي .. ، الزمن عاقبني واخوك عاقبني بكرهه ليا ، لكن أنت لاء

طالعها “احمد” وقد المه قلبه عليها ، ولكنه يعلم بأن “عامر” لن يظل هكذا ومن حبه الشديد لها يُعاقبها ، وللاسف هذه هي طريقه شقيقه مع من يحبهم

– عارفه ياماما ، الدنيا علمتني حاجه واحده

واردف وهو يضمها لصدره بحنان ، يمسح عنها دموعها

– علمتني معقبش حد علي حاجه عملها ، مش يمكن الزمن يلف واعمل انا الحاجه ديه … وملقيش اللي يسامحني ….

وتنهد بألم يتذكر حديثه الأخير مع شقيقه

– أو يمكن الظروف تكون بتجبر اللي بنحبهم ، لكن ميقصدوش إنهم يأذونا

لم تفهم “ناهد” عبارته الأخيره ، التي تمتم بها بحرقة لم تُخفي عنها

– انت شبه ابوك الله يرحمه يا أحمد.. كان قلبه ديما كبير وبيغفر ، يمكن هو ده كان سبب أخطائي الكتير ، وعلي قد ما حبني كرهني وكنت أستحق ده ..، في أخطاءك مبتتغفرش يا أبني ولا بنعرف نغفرها

وضحكت ساخرة من نفسها ، فا ليتها كانت تتمتع بتلك الحكمة قديماً ، ما كانت خسرت زوجها و أولادها

– اصل في ناس بتفتكر ان الغفران والصفح والفرص الكتير اللي بندهلهم ده ضعف ، وإن عمرهم ما هيكرهونا او هيتوجعوا مننا مهما عملنا في حقهم

والتمعت الدموع في عينيها مجدداً

– وهو ده اللي انا عملته مع ابوك هو يغفر وأنا أغلط ، يسامح وأنا اتمادي اكتر

واردفت بعدما أبتلعت غصتها ، تتذكر غرورها وروعنتها بجمالها

– أنا عارفه ان عامر بيحبني اووي ، لكن مش قادر يسامحني ولا ينسي

واغمضت عيناها ، تندم علي ما فعلته بهم

– الذكريات فضلت مرسخه جواه ، يمكن أنت كنت صغير , لكن عامر كان كبير وقادر يفهم ويستوعب

وبكت بحرقة وهي تردف بخزي