سطور عانقها القلب 2

هتفت بها “فريدة” بعدما اغلقت حقيبتها ووضعتها جانباً، واردفت بملامح حزينه

– اتجوز إزاي واحد كنت بحب أخوه

– صحيح عامر كبير عنك يا فريدة، وشكله من برة يوحي إنه راجل صعب، بس حقيقي يا بنتي أنا احترمته، بعد اللي اعمله معاكي

انتبهت حواس “محسن” بعدما تحرك من مكانه، ولكنه توقف يستمع لباقية الحديث

طالعت عمتها، ولم يكن شعورها هي الأخرى مختلف نحو هذا الرجل

– أنا كمان احترمته، كفايه إنه مشوهش صورتي ولا استغل اللي حصل وفضحني قدام بابا، بعد كلامه السخيف..

واردفت بملامح مستاءه، كارهة لما فعلته

– أنا مش قادرة أتخيل إني كان مهم يحصل علاقه بينا، لولا إنه كان متأكد إني في حاله غريبه

اتسعت عينين ” محسن” لا يستوعب ما يسمعه، هل كانت ستحدث علاقة بين أبنته وعامر السيوفي؟

– أنتِ بتقولي إيه؟..

تجمدت ملامح “فريدة” و “كريمة” التي تجمدت عيناها هي الأخري نحو شقيقها الذي دلف الغرفة وعلي ما يبدو إنه إستمع لحديثهم

– بابا، أنت مش فاهم حاجة

وهنا كان يصرخ بها محسن

– جوازك من عامر السيوفي هيتم يا فريدة

………..

انتفضت ” صفا” من مكانها بخوف، بعدما جاء احد العمال يُخبرها عن سقوط زوج عمتها بالأرض وعمتها منهارة لا تقوى علي الحركة..، تركت كل شئ واندفعت مع العامل في إحدى السيارات الخاصه بنقل صناديق الفاكهه

هرولت راكضه بعدما هبطت من السيارة ودموعها تغرق خديها، فلم تعد تتحمل فكرة الفقد والفراق ثانية..، وجدت الجميع متجمع حول جسد زوج عمتها الواهن، وعمتها تجلس جواره باكية..،

وقعت عينين الواقف بشموخه عليها.. ،وهي تجثو فوق ركبتيها تخبر زوج عمتها

– هتكون كويس، متسبنيش أنت كمان

ابتسم نحوها صابر يُحاول التقاط أنفاسه

– متخافيش يا بنتي

– فين عربية الإسعاف يا فتحي

وفتحي يقترب منه خائفًا

– علي وصول يا عامر بيه

……….

كان يوم عصيب عليهم، يوم انهكهم من شدة البكاء والخوف، تركت “السيدة صافية” زوجها يرتاح فوق فراشه.. ،وخرجت من الغرفة متجها نحو غرفة الفتيات..، فوجدتهم يجلسون بملامح باهتة حزينه

– محضرتوش لينا العشا يا بنات

انتبهت “جنه” علي صوت والدتها، واطرقت رأسها حزناً

– مين ليه نفس يا ماما

فطافت من عينين “صافية” دمعه حاولت إخفاءها ولكن دموعها اخذت تنساب فوق خديها ..، اجهشوا ثلاثتهم في بكاء مرير

– خوفت علي أبوكي النهاردة، كنا هنعمل إيه لو راح مننا يا بنتي