رانيا ج ٣

فوضع الحقيبه على الأرض وأرتمى بتعب شديد على الأريكة وأغمض عيناه

**************

فى مصر

دخل سالم غرفة ليلى كى يحمل حقيبتها فوجدها واقفه أمام المرآة كى تعدل من لف حجابها فسألها قائلاً : جاهزه ياليلى ؟

انتهت ليلى من لف الحجاب ، وأخذت حقيبتها لتحميلها لكنه تناولها منها قائلاً : يسببها أنا هشيلها

روحى انتى ساعدة ورد لحد ما أنزل الشنط

خرج سالم وتبعته ليلى متجهه إلى غرفة ورد التى مازال الخوف مسيطراً عليها من ركوب الطائره

فدخلت ليلى عليها وهى تقول بمرح : الحلو اللى لسه خايف

ردت ورد وهى تضع يدها على جوفها : خايف آوى ياليلى حاسه كده إنى هعملها هناك

ضحكت ليلى وهى تقترب منها قائله : وحياتك أنا خايفه من الطياره أكتر منك بس هنعمل أيه فى جوزك مش قادر على فراقك

قامت ورد من الفراش وهى تضغط على أسنانها بغيظ وقالت: هو يعنى كان هيجرالنا أيه لو سابنا هنا اليومين اللى هيقعدها هناك

ردت عليها ليلى بقلة حيله : هنعمل أيه بقى

المهم يالا بسرعه لحسن نتأخر ع الطياره

خرجت ورد معها وكل واحده بهم تشعر بشئ مختلف

ليلى تشعر بأن هناك شئ غامض عليها الذهاب إليه

أما ورد فالقلق ينهش قلبها على صغيرتها التى تحملها فى جوفها

******★******

جلست ورد بجوار ليلى فى الطائره

وجلس سالم بجوار عماد الذى يجبره على الجلوس بجوار زوجته حتى تجلس ليلى بجواره

لكن سالم رفض ذلك وأخبره أنها تريد الجلوس بجوار ليلى

فهو يعلم بنية عماد الذى طلب يدها منه مرات كثيره لكنها ترفض ذلك بشده مقرره عدم الخوض بتجربته آخرى وكفاها ما حدث معها حتى الآن

رددت ورد الشهاده مرات ومرات عند وصول الطائره إلى وجهتها ووضعت قدميها على الأرض بمساعدت سالم وهى لا تصدق أنها وصلت أخيراً

فسألها سالم بقلق : ها يا ورد لسه دايخه ؟

ردت ورد بغيظ : يعنى كان هيجرى أيه لو سيبتنا وسافرت لازم يعنى الشحططه دى ؟

زم سالم شفتيه وقال : تصدقنى أنا غلطان اللى فكرت أخليكم تغيروا جو

ردت ورد من بين أسنانها : يعنى مبهدلنا كل ده عشان نغير جو ؟!

لأ ياسيدى كنت سيبتنا تغيره فى الدولاب أحسن

خرجت ضحكه عاليه من ليلى وتلتها ضحكت عماد الذى لم يستطيع وقفها وقال لسالم : ربنا معاكى ياصاحبى ويعينك وانا هسبقك أقدم البسبورتات

تاركاً ورد تنظر إليه بغل وقالت : بتتريق عليا ماشى أما أفضالكم بس