شبح حياتي ج الاخير

أطلق كريم زفيرًا حادًا ، معربًا عن مدى ضيقه وقلقه ، ثم هتف بعصبية : فتحها ببصمة صوباعي اكيد اخدها من علي اي حاجة مسكتها بإيديا عنده و نسخ مفتاحي من غير ما اخد بالي

شعرت أميرة كما لو أنها تلقت صفعة قاسية تخل بتوازنها ، مما تسبب في سقوطها على السرير بقوة خلفها ، وتمتمت بصوت مرتعشًا : يعني ايه!!

كشر كريم عن أسنانه صارخا بغضب وبجنون : يعني انا وانتي روحنا في داهية .. لا مش احنا بس دا كل دكاترة المستشفي يا اميرة الورق دا هيسجنا باقي عمرنا دا اذا اهالي الدكاترة دول سابونا عايشين اصلا .. عقود شراكتنا احنا التالتة في المستشفي و تقارير طبية مزورة كل دا اختفي من الخزنة

اهتز قلبها بخوف واضح ، وهي تصرخ على عجل : الحقني يا كريم .. بدر معايا علي الانتظار

سار ببطء ، بقدميه المرتعشتين ، بالكاد حمله إلى كرسي المكتب ، ويبدو أنه تائه في أفكاره ، ليقول بإندفاع مشوش : طب ردي عليه .. حاولي تعرفي عايز ايه و قوليلو هنفذلو طلباته .. يلا بسرعة

قبضت على يدها المرتجفة بقوة ، ثم أجابت بأرق نبرة لديها ، لكنها خرجت رغم عنها ، مهزوزة من توترها : ايوه يا حبيبي .. فينك؟

فور أن سألت بخفوت ، أتى لها صوته العميق بسؤال مباغت : كنتي بتكلمي مين؟ هو لحق يوصلك الخبر بالسرعة دي!!

ظلت أميرة صامتة للحظة ، تبحث فى عقلها المرعوب عما تفعله ، لكنها لم تكن لديها الشجاعة لمواجهته ، حتى لو لم يكن أمامها ، فتنهدت بخفة ، ونبست متظاهرة بالتساؤل ، فى محاولة معرفة ما يصبو إليه : انا مش فاهمة بتكلم عن ايه؟

احمر وجهه من الحنق بسبب إصرارها على ادعاء البراءة والجهل ، وطحن أسنانه بشدة لدرجة أنه كاد أن يحطمها من شدة غضبه ليهدر فيها بحدة : لا انتي فاهماني كويس اوي يا اميرة .. طول عمرك مابيملاش عينك غير التراب بس دي غلطتي اني حبيت وحدة قذ*ة و جشعة زيك عندها استعداد تخدع و تكذب و تق*تل عشان مصلحتها

شحب وجهها عند سماع كلماته المقهورة ، وشعرت بالاختناق يطغى على قلبها ، وكأن أحدًا قد ضغط عليه بقبضة من الفولاذ ، ثم اردفت بتقطع أثر الغصة المريرة في حلقها : ايه الجنان .. اللي بتقوله دا يا بدر!! قولي بس .. انت فين و هنتكلم..

قاطعها بدر هادرًا ، بصوت قاس زلزل كيانها من فورة مشاعر الكراهية والاستياء منها ، بينما كان صدره يعلو ويهبط من حدة أنفاسه المتلاحقة : وقت الكلام خلاص فات و بلغي الحيوان اللي مستخبية وراه اني هوصلكم بإيدي لحبل المشنقة و مايشرفنيش تكوني علي ذمتي انتي طالق .. طالق