شبح حياتي ج الاخير
شبح حياتي ج الاخير
تشكلت ابتسامة طفيفة على شفتيها ، ورقص وميض ارتياح في عينيها معتقدة أنه تفهمها أخيرًا.
حدقت به بينما عيناه مصوبتان نحو الطريق ، ثم ردت عليه بابتسامة : بغض النظر عن اسلوبك معايا .. بس شكرا يا معاذ علي اللي عملته
أخذت نفسا عميقا ، واستطردت كلامها : و زي ما قولت احنا قرايب و مينفعش يكون بينا الا الاحترام و المودة
اجاب بهدوء متناغم مع بروده الزائف محاولاً اخفاء جمرة تلهب صدره : اكيد يا حياة
★•••••★•••••★•••••★•••••★•••••★•••••★•••
داخل زنزانة الحجز في قسم الشرطة
: مش قادرة اصدق للي حصل .. انا اتجرجر زي المتهمين وسط جيراني وصحابي!!
أنهت أسماء كلماتها بصوت عالٍ لا شعوريًا من صدمتها المفرطة ، بينما تجولت عينا أميرة حول المكان المظلم إلى حد ما في رهبة وهي ملتصقة بها ، وقالت في تحذير هامس : وطي صوتك يا ماما انتي مش شايفة الاشكال الغريبة اللي مبحلقة فينا من وقت ما دخلنا هنا
هتفت أسماء بنبرة هادئة نوعا ما ، ولا تزال علامات الغضب ظاهرة على وجهها : كله من غبائك .. ازاي تسمعي كلام الحيوان كريم وتروحي برجلك المستشفي عشان تعملي عملتك السودة دي ويتقبض عليكي!!؟
اطرقت أميرة رأسها ، لتتجنب النظرات اللاذعة التي ترسلها لها والدتها بعنف لتهمس بتبرير : كنتي عايزاني اعمل ايه وماعملتوش؟ كريم هددني بتسجيلات بينا بكلم فيها عن محاولتي الفاشلة لقتل بدر وعن الحادثة
تجمعت الدموع في مقل عينيها ، وظل صدرها يرتفع وينخفض من خوفها الشديد وألمها القابع فى قلبها ، ثم أضافت بانفعال خفيف : مالقتش حل قدامي غير اني اسمع كلامه .. فضل يقولي ان زيارتي لبدر امر طبيعي عشان انا مراته محدش هيشك فيا ووصلني للمستشفي طلعت نفذت اللي طلبو مني .. ولما خرجت من الاوضة لقيتها في وشي صرخت ولمت عليا عمال المستشفي مالحقتش اهرب منهم
تنهدت أسماء في سخط بالغ ، وردّت بسخرية لاذعة : برافو عليكي و دلوقتي مبسوطة بعملتك .. الزفت كريم هرب المحامي اللي كلمته بيقول ان كاميرات المستشفي سجلت انه كان واقف بعربيته قدامها لما حس بقلق جوه خلع ومحدش عارف اختفي في انهي مصيبة تاخده
: انتي يا حلوة منك ليها بقالكو ساعة بتتودودو في ودان بعض ايه العبارة بالظبط؟
هتفت فيها امرأة تبدو في الأربعينيات من عمرها ترتدي ثوب أسود طويل ، وتحمل سيجارة بين أصابعها السمراء ، لتنظر إليها أميرة بعيون جاحظة مليئة بالدموع والخوف ، لكنها كافحت لجعل صوتها غير مبال : و انتي مالك انتي .. بليز ابعدي شوية عشان ريحتك قلبت معدتي
