شبح حياتي ج الاخير

تنهد مكملاً حديثه ، وهو ينظر إلى وجهها القلق : الظابط اللي مسك التحقيق في حادثة بدر .. بيقول انهم عرفو من شركة الاتصالات بدر كلم رقم اخوه جاسر و بعديها كلم مراته قبل الحادثة اللي عملها بكام ساعة

أومأت حياة برأسها له ، وقالت مؤيدة : انا كنت عارفة انه كلمها و فالمكالمة دي اكيد طلقها عشان كدا جاسر مايعرفش حاجة عن الموضوع

قطبت ميساء حاجبيها في حيرة قبل أن تقول بإحباط : بس محدش يقدر يثبت الكلام دا غير بدر و هو في غيبوبة

زفرت حياة وهي تهتف بغيظ وحنق : ماهو دا اللي مطمن اميرة عشان محدش لحق يعرف بالطلاق دا اصلا

: هي قالت في التحقيق الرسمي انه كلمها يطمن عليها و كلامها معايا في المستشفي بصفة ودية كان مختلف ماقالتش انه كلمها خالص

جاءها صوته الجاد لينهي جملته ، ويمرر لسانه على خده من الداخل.

اهتزت دواخلها من الصدمة ، وهي تمنع بأعجوبة ارتجفت جسدها بعد أن تمكنت من تحليل سبب إبعاد بدر لها ، وتذكرت ما فعلته ، هي التي كشفت سر طلاقه من أميرة ، فقط الآن فهمت الأمر بدر أراد حمايتها منهم ، لم يتخل عنها.

هتفت بحسم وهي تنقل نظرها نحو أختها : انا عايزة انزل القاهرة يا ميساء ماكنش ينفع اسيبه من الاول

تنهدت ميساء بقلة حيلة ، هي تعلم جيداً عناد أختها ، لتقول في استسلام : ماشي بس خلينا نروح البيت و الصبح سافري يا حياة

فرك معاذ جانب صدغه قائلًا بهدوء : انا هجاي معاكي

رفعت حاجبيها معًا ، وتغضنت ملامحها الرقيقة في عدم الرضا ، لتغمغم في شك : معاذ!!

حدق فيها وهو يطحن أسنانه معًا ليومئ برأسه ببطء ، وقال ببرود لتؤمئ إليه بالموافقة : عندي شغل لازم اكون هناك الصبح .. خلينا ننسي اي حاجة دلوقتي و لما الحكاية دي تنتهي و نوصل للحقيقة هنتكلم و نحل كل حاجة

لا تبحث عن سر شوق نبضات قلبك ، بل أطلقها لتطير خارج قفص صدرك وتصل إلى من تحب.

★•••••★•••••★•••••★•••••★•••••★•••••★•••

في مستشفي بالقاهرة

يجلس جاسر في كافيتريا المستشفى ، وأمامه شذى يحتسون الشاي.

سألها بهدوء بعد أن ترك الكوب الفارغ على الطاولة : امتي هتروحي البيت؟

مطت شذى شفتيها قائلة بحزن مزيف : ايه يا جاسر انت عايز تخلص مني؟ هو انا قعدتي مضايقاك في حاجة!!

ضيق جاسر عينيه عليها ، و زم شفتيه ليضرب جبهتها برفق بإصبعه السبابة : بطلي سوء الظن دا يا ام لسان طويل