خطايا برئيه ٦
خطايا برئيه ٦
-تستاهل…ياريته موتك وريحني من قرفك
غمغم “طارق” بوهن وبصعوبة بالغة:
-بابا انا…
قاطعه ابيه بصرامة منفعل:
-أنت ايه؟ حذرتك قبل كده تبعد عنها ومش عايز مشاكل بس أنت غبي ومبتسمعش الكلام
ودون أن يدعه يدافع عن ذاته كان
ينفض وجهه كأنه يثير غثيانه ثم نهض يوجه نظراته التى تخلى عن صرامتها واحتل مكانها الرجاء حين هدر “يامن” بإنفعال وهو يتلوى يحاول التملص من قبضة هؤلاء الرجال الذين يشلون حركته وحركة “محمد” ايضًا معه تحت مضضه:
-خليهم يسبوني …وقولي انت مين والكلب ده عمل كده ليه…
اقترب المسيري بخطوات مهيبة
وربت على كتفه مما ادى إلى ذهول الأخر ثم قال بمهادنة وبنبرة متوسلة:
-أنا “أحمد المسيري “…والحيوان ده يبقى ابني بتمنى تهدى علشان نعرف نتكلم
جعد “يامن” حاجبيه فنعم يعلم من يكون وطالما سمع عنه وكيف لا يفعل وكل فرد بالبلد يعلم مدى سلطته السياسية، ولكن رغم ذلك لم يعير مهابته أي اهمية وهدر متشنجًا:
-طززززز فيك وفي ابنك…انا مش هسكت وهبلغ عن الكلب ده وهجيب حقها من حباب عنيكم يا (***)
هز “أحمد” رأسه بعدم رضا وحاول مهادنته من جديد:
-أنا بكلمك بصفتي أب يا ابني وهي زي بنتي ونصيحة مني ملوش داعي تجازف بسمعتها…
جز “يامن” على نواجذه وهو يرمق حالتها المريعة وهي منكمشة تنتفض باكية و لا حول لها ولا قوة وقال بوعيد وبقلب من حديد:
-انت وابنك اللي هتتفضحو ولازم اعرف الناس ب(***)
تنهد والده وقال بمسايرة:
-اهدى يا ابني وفكر في سمعتك وسمعة مراتك…أنا عارف إن ابني كلب ومستهتر وغلط ويستاهل يتعدم في ميدان عام بس انا بتوسلك كأب بلاش تضيع مستقبله هو ملمسهاش…
هنا صدح صوته الواهن بغطرسة لامثيل لها وبكل تبجح غير عابئ بشيء:
-انت بتذلل ليه يا بابا…أنا مش هامنني يعمل اللي يعمله وبعدين أنا مخطفتهاش هي جت معايا بمزاجها
هنا صرخت هي مستنكرة تزامنًا مع دفاع “ميرال” التي اندفعت إليهم لتوها وتجاهلت أوامر “محمد” بالبقاء بالسيارة:
-محصلش انت كداب انت كنت بتطاردها و خطفتها
قالت جملتها وهي تحتضن “نادين” وتربت على ظهرها كي تؤازرها…
ولكن بالطبع رغم دفاعها إلا أنه نطق من جديد
بعنجهية وبضحكة مستفزة أظهرت أسنانه المحطمة:
-غبية…بدل ما تفضحيها وتنتقمي منها بتدافعي عنها وتخلقلها اعذار
وهي اللي فضحتك واتبلت عليكِ
