شبح حياتي ٣

ساد الصمت فترة قبل أن يسترسل جاسر تعريفهم علي بعض : دي مدام هاجر .. بتشتغل ممرضة في مستشفي كريم زي ماحكيتلكم من شوية .. اتفضلي يا مدام هاجر احنا سامعينك

ازدردت هاجر لعابها بتوتر واضح في نبرتها المترددة عندما بدأت تسرد ما رأته : انا اتعينت في المستشفي من فترة بسيطة حوالي شهرين .. بس اللي شوفته فيها حاجة رهيبة ماقدرتش أفضل ساكتة كتير ..اخر حاجة كانت من كام يوم بس .. شوفت بعيني دكتور كريم في وضع محرج في اوضته بالمستشفي مع وحدة ست اللي صدمني اكتر اني شوفت نفس الست دي مع استاذ بدر صاحب دكتور كريم من فترة وعرفت من ممرضة زميلتي انها مراته ونفس الست دي بنت خالة دكتور كريم..

بدت الصدمة واضحة على وجوههم ، ليقول جاسر بعد صمت مريب : اميرة علي علاقة بكريم

خفضت هاجر عينيها في حرج قائلة بهدوء : دا اللي شوفته .. انا والله ماكنتش عايزة ابقي متطفلة ولا عايزة ادخل في مشاكل مش قدها عشان مستحيل حد هيصدقني

★•••••★•••••★•••••★•••••★•••••★•••••★•••

في المساء

دخلت حياة منزل بدر الذي لم تسمع صوتًا منه منذ عدة ساعات.

زاد هذا من القلق في نفسها لدرجة أنها لم تعد قادرة على الصمت بعد الآن.

جلست بجانبه على الأريكة في لباسها الخارجي ، وعيناها تنظران إلى جانب وجهه وهو يحدق إلى الأمام مباشرة بجمود ، فهمست بتردد : ممكن تتكلم معايا .. من ساعة ما قابلنا شذي و جاسر وانت ماتكلمتش خالص

نظر بدر في عينيها ، وابتلع تلك الغصة المرّة في حلقه ، وهمس بحزن : معلش يا حياة .. حاسس اني هجنن من كتر التفكير و دماغي متلخبطة اوي .. لسه ماستوعبتش انها ماصدقت خلصت مني و راحت ترمي نفسها في حضن كريم

شدّت حياة شعرها بقهر شديد دون وعي ، وقالت بإندفاع بنبرة مرتفعة قليلاً : انا من الاول خالص وانا مش مستريحة للي اسمها اميرة دي

نظر بدر بعيداً عنها ، وأطلق زفيرًا عميقًا ، لعل أفكاره المتضاربة تخرج معه ، ثم قال بهدوء : الاكيد اني وصلت لحاجة خليتهم يحسوا انهم في خطر بسببه

تطلع إليها مجددا ، ووجدها تحدق في أصابعها وهي تضغط بشدة على شفتيها لمنع نفسها من البكاء حتى سمعته يتساءل بحيرة عارمة : بس ايه هي الحاجة دي ووصلتلها ازاي!!؟ واضح بعد ما اكتشفوا اني عرفت سرهم ق***ت**لوني…

قبل أن يتمكن من إنهاء جملته ، قاطعته قائلة بصوت منخفض ، بعد أن رفعت حدقتيها إليه بسرعة : بدر…