شبح حياتي ٢
شبح حياتي ٢
إعتدلت حياة قليلا في جلستها مع بعض التعب ، قائلة بغير فهم : أسف علي ايه!!
رد بدر ببساطة : علي رقدتك دي بسببي
رفع عينيه ليلتقي بنظرتها التي كانت تحدق به بدهشة ، ثم أردف : انا كنت اناني لما ضغطت عليكي ووصلتك للحالة دي
أراد أن يكمل كلماته ، لكن حياة أوقفته بإشارة من يدها ، ثم قالت بنفاذ صبر : هش!! ممكن تسكت وتسمعني شوية .. اللي حصلي دا سببه حاجات كتير من قبل ما اشوفك اصلا..!
الآن جاء دوره لمقاطعة كلماتها بصوت خافت يملؤُه الاعتراض : بس برده دا كان تصرف بشع مني اني استغل مساعدتك ليا بالطريقة دي..
طأطأ رأسه محاولا ضمر ما يعترى قلبه من مشاعر سلبية ، مخاطباً نفسه دون أن يلفظ بلسانه أمامها : حسيت بضعف وعجز لما شوفتك مرمية علي الارض وانا مش قادر اعمل حاجة خالص .. لولا عم حمزة سمع صوتك وانتي بتقعي ونقلوكي علي هنا معرفش كان ممكن يجرالك ايه!!
نظر إليها ، بينما قناع من البرود الزائف مرتسماً على وجهه ، قائلا بهدوء يتناقض مع فوران النار الذي ينهش قلبه : انا حبيت اشوفك قبل ما اختفي خالص عشان اقولك انا اسف ومش هحاول ازعجك تاني
تستمع إلى كلماته ، وهناك شعور غريب برفض ما كان يقوله ، مسبباً لها إختناق مجهول المصدر ، لكنها سرعان ما تجاهلت هذا الشعور ، وهزت رأسها بشكل سلبي ، ثم صاحت معارضة بصوت مبحوح : انت جرا لمخك حاجة!! اللي بتقوله دا مش هيحصل لازم نوصل لسبب اللي انت فيه .. ماتسيبنيش يا بدر
نظر في عينيها بعمق وكأنه يسبر أغوارها ، مما جعل حياة متوترة في مكانها ، وبحركة لا أرادية ، أشاحت بصرها بعيدًا عنه عندما تساءل : وايه اللي خلاكي تغيري رأيك؟ مش كنتي بتقولي ان دا جنان!! ليه صدقتي فجأة؟
تنهدت حياة وهي تنظر إليه مجددًا ، وتقول بإنزعاج مزيف : ما انا لازم اصدقه ماقدميش الا كدا يا اما هتأكد اني مجنونة بكلم مجرد طيف مالوش وجود وانا متأكدة انك موجود وبصراحة فضولي هيموتني عشان افهم
مرت بضع ثوانٍ من الصمت ، كان بدر خلالهم يجول بعينيه في ملامحها العابسة بلطافة ، ثم كسر ذلك الصمت قائلا ببعض التردد : يبقي خليني اقولك علي حاجة قبل ما تقرري هتكملي معايا ولا لا!!
تساءلت حياة بنوع من التشوق : حاجة ايه دي؟
لم يرد عليها ، بل تأمل فيها بصمت ، خصلاتها البرتقالية الثائرة مثل سجيتها حول وجهها الجميل ذو السحر الآخاذ ، خصلاتها تتدلى على ظهرها وكتفيها ، ثم أجاب بهدوء : انا افتكرتك لما كنتي صغيرة
