ظلمات قلبه ١

شعرت اشرقت التي كانت تتابعهم بالم شديد في قلبها كان قلبها يعتصر الما ..متخيلة اذا لم يتزوجها ارغد كيف كانت ستواجههم الان.. الي هذا الحد يكرهونها رغم انها لم تفعل لهم شي.

اغمض ارغد عينيه مانعا نفسه من انه يقتلهم.. ليتجه اليهم ، و بهتف قائلا لهم بحنق ، و قسوة ضاغطا على اسنانه بقوة

:- و انت مالك يا سيلان .. كان حد دخلك و بعدين اخوكي اللي بتفتخري باللي عمله دة …المفروض يتقتل ؛ لانه مترباش و انت قاعدة تفتخري… ليوجه بصره نحو فايزة و يكمل حدبثه بنبرة اقوى محذر اياها

:- و انت بذات من هنا ، و رايح ملكيش دعوة بأشرقت مراتي خط احمر … محدش يجيب سيرتها هي دلوقتي مش متجوزة اي حد… دي مرات ارغد العزايزي.. كان تهديده الاخير ليس لفايزة فقط بل كان للجميع.

ارتسمت على وجه اشرقت ابتسامة واسعة.. فور ان سمعت حديثه هذا …شاعرة بقلبها يرقص بداخلها متمنية ان تصرخ امام الجميع ، و تخبرهم جميعا أنها تحبه في كل ثانية حبه يزداد داخل قلبها.

اخذ عابد ارغد ، و اتجه به الى غرفة المكتب غالقا الباب خلفه بقوة… صعدت اشرقت الى غرفتها مرة اخرى سرعان ما ارتفعت اصواتهم التفتت فايزة الى شريف الذي كان يقف بجانبها …يتابع الحوار بصمت قائلة له بغل ، و شر يظهر على ملامح وجهها

:- شايف… شايف بيقول ايه قال مراتي خط أحمر لتصيح في وجهه مكملة حديثها بغضب اكبر غلطت لما جوزتها ليه عقلك كان فين …مش بتفكر ابدا اهه محدش هيعرف يكلمها.

رد عليها شريف بضيق و غضب

:- اعمل ايه بقا … اهه قولت انقذ نفسي من الفضيحة اللي كانت هتحصل و كفاية انه اتجوزها و خلصني منها و من فضيحتها ليتابع بتراجع ، و خوف انا مش عارف اشرقت حكتله و لا لا بس اكيد عابد حكاله على اللي حصل.

لوت فايزة فمها بسخرية قائلة له باستهزاء ، و عينيها تلتمع بالغل ، و الكره

:- يا اخي كنت سيبها تتفضح ، و لا تتنيل على الاقل كنت هعرف اكسر عينها ، و اجيبها الارض.

لم يرد عليها شريف بل تركها ، و توجه الى أعلى يصعد الى غرفته.

وجهت سيلان حديثها الي فايزة …قائلة لها بصوت منخفض ، خبيث

:- نسيبنا بقا من كل دة… هو حاجة واحدة المفروض نعرفها عشان لو كدة نشتغل عليها … أشرقت حكت لارغد عن اللي حصلها ، و اكتشف كدب ماجد و لا لا لتتابع بغضب شديد انا مش قادرة افهم لغاية دلوقتي ماجد هرب ليه ، و خالف اتفاقنا لتكمل حديثها بتوعد قائلة :- والله ما هسيبه دمر الخطة كلها ماشي يا ماجد.