ظلمات قلبه ١

:- في ايه يا ارغد من امتة ..و انت موجود و ازاي مركزتش انك دخلت..؟!

بادلها ارغد الابتسامة …ليهتف لها مجيبا اياها بسؤال اخر ، و نبرة هادئة

:- انت اللي قاعدة سرحانة كدة ليه …و مش مركزة نهائي كدة ليه..؟؟! انا خبطت عليكي قد كدة قبل ما أدخل.

اخفضت اشرقت نظرها بخجل شديد لعدة دقائق.. شاعرة بأنه محق بالفعل… فهي كانت شاردة غير مركزة بأي شئ …لترفع بصرها بوجهه و ضمت شفتيها بخجل قبل ان تهتف قائلة باعتذار و اسف مخلوط بالخجل

:- معلش كنت زهقانة ، و سرحانة فمسمعتكش مكنش قصدي.

كانت عينيه مركزة على شفتيها تمنى لو ان يخطفهما في قبلة عميقة حانية… يعبر لها عن كم المشاعر التي تنتمي لها بداخله … ابتلع ريقه بتوتر …ليحمحم بعدها عدة مرات ؛ محاولا اعتدال هيئته قائلا لها بجدية مزيفة

:- لا عادي متعتذريش.. ليسألها بشغف مشيرا الى المكتبة الخشبية الصغيرة الموضوعة في غرفتها المليئة باكملها بجميع الانواع روايات ، و كتب ، و قصص.. انت بتجبي القراءة اوي كدة كل دي حاجات جايباها تقرأيها.العثور على الكتب الأكثر مبيعًا

هزت اشرقت رأسها بحماس شديد… مشيرة بديها الى المكتبة …لتبدأ تشرح له مدى عشقها ، و حبها للقراءة و انها احبتها ؛ بسبب وقتها الفارغ بشدة… كان ارغد ينصت لها بانتباه شديد مدققا في كل كلمة تفوهت بها.. بعد ان انتهت تحدث هو قائلا لها بتساؤل بعد ان عقد حاجبيه بدهشة و استغراب

:- ما انا بقالي أسبوعين موجود اهو ..مش بشوفك بتقري فيهم ليه طالما بتحبيهم اوي كدة..؟؟!

احتل التوجس جميع ملامحها لتتبدل سريعا من السعادة الى الحزن زافرة باحباط لتضم شفتيها بطفولة هاتفة له بحنق و حزن شديدان

:- ما هو اصل انا مخلصاهم كلهم ، و حفظاهم كمان.. و نفسي لما انزل اشتري تاني لتضيف بحزن خالص بس انت عارف بقا مش هنزل.. و مرام الفترة دي مشغولة كنت هخليها تجبلي بس قالتلي انها مش فاضية هستناها لما تفضي ، و تجيبلي..هي اللي جايبالي دول اصلا دايما بتشتريلي اللي اعوزه.

اغلق ارغد عينيه بشدة …قابضا على يديه بقوة حتى ابيضت مفاصله مانعا نفسه بصعوبة من الا يضمها اليه و يربت عليها بحنان …يتمنى ان يحمل عنها جميع الحزن الذي يحمله قلبها.. ليهتف مقترحا عليها بتفكير ، و حب

:- طب ايه رأيك لو انا اجيبلك الحاجة اللي عاوزاها… و كمان بما انك خريجة ادارة اعمال اجيبلك بعض الملفات تشتغليها ..بس الاول اقعد ساعة كل يوم ادربك ؛ لأنك مشتغلتيش خالص قبل كدة و كدة تكوني بتملى وقتك الفاضي.