ظلمات قلبه ١

بالاساس ……….

“””””””””””””””

بعد انتهاء الحفلة صعد كل شخص إلى غرفته …عند عابد في الغرفة كان جالس مبتسم …لتدخل عليه اسيا فجأة ، و تجلس بجانبه بعد ان عقدت حاجبيها باستغراب قائلة له بتساؤل ، و هي تضم شفتيها معا للامام بطفولة

:- امم ، و مالك مبسوط اوي كدة يا سي بابا دة انا قولت هدخل الاقيك زعلان ، و متعصب ، و قالب

الدنيا ؛ بسبب قرار ارغد المتسرع دة ادخل الاقيك بتضحك ، و فرحان..؟؟

رد عليها عابد قائلا لها بهدوء ، و بساطة بعد ان فهم مقصد حديث ابنته

:- و هزعل على ايه …. انهاردة ابني اتجوز البنت اللي طول عمري بحلم انه يتجوزها… على الاقل هيخلصها من ايد المتخلف شريف انسان مسلوب الارادة قدام مراته …اللي ياما رفضت انه يتجوزها… فضل يقول لبابا الله يرحمه… مش قادر ، مش هقدر اربي اشرقت بعد اللي حصل من “زينات” امها ، و ان اشرقت محتاجة رعاية… انا واثق ان ارغد هيغير حياتها ، و كمان اشرقت محترمة ، و متربية هتصونه.

كانت اسيا تستمع اليه باهتمام… ما ان انتهى حتى هتفت له قائلة بمزاح

:- الله بقا يا عم دة انا هغير من ست اشرقت بقا ، و اقول لارغد كمان اخليه يخاف على مراته… انت راجل مز ، و حلو… و اشرقت ممكن تحبك.

قهقه عابد عاليا من مزاح ابنته… الا انها هتفت قائلة له بنبرة قلقة ، متوترة

:- ب.. بس يا بابا .. انا خايفة احسن ارغد ميحبش اشرقت.

هز عابد كتفيه معا بلا مبالاه قائلا لها بثقة ، و اطمئنان

:- لا متخافيش من دي بذات… انا واثق ، و متاكد مية في المية انه بيحبها ، و لو مش بيحبها اشرقت هتخليه يحبها ….متشغليش بالك انت ركزي في كليتك.

عضت اسيا على شفتيها السفلى ، و هتفت له بتوجس ، و توتر واضح في صوتها ، و ملامحها ايضا

:- م.. ما هو اصل يا بابا ارغد بيحب واحدة تاني

ف ازاي هينساها كدة عادي ، و هيحب اشرقت صعبة اوي دي.

انتبه عابد لحديثها بشدة ، و قطب حاجبيه بدهشة ، و استغراب…. فهو قد كان يعتقد ان ارغد يحب اشرقت.. ليتعدل في جلسته قبل ان يهتف يوجه لها العديد من الأسئلة المتتالية بانتباه ، و اهتمام شديد

:- و انت عرفتي منين اصلا ؟؟…و مين البنت اللي بيحبها دي …؟؟اسمها ، عيلتها مين…؟؟عرفها منين …؟؟و مجاش قالي انه عاوز يتجوزها ليه..؟؟

اجابته اسيا بارتباك و توتر فهي توقعت رد فعل والدها غير هذا نهائيا