رواية على الرقاب قدر نافذ الكاتبة شاهندة الجزء 3
رواية على الرقاب قدر نافذ الكاتبة شاهندة الجزء 3
كانت( فدوى) تطالعها بذهول تستغرب هذه القوة والثبات التي تتحدث بهما وتوزع نظرها بينها وبين (مهران) الواقف يواليهما ظهره ويعقد يديه خلفه إنها أسوء لحظات حياته لم يتخيل يوما أن يقف وقفة الضعيف هذه ،بينما قالت(فدوى):
_ انتي بتهزري صح ؟ عايزة مني إيه ، عايزة أقولك إني بحب جوزك وماقدرش أعيش من غيره معلش خدي ابنك وروحي من هنا ! أنا اللي سبته ماليش حق فيه دلوقتي !
صاح( مهران )بغضب :
_ اسكتي انتي وهي ! هو أنا غرض عايزين تتجاسموه ولا حاجة بتتآثرو على بعض بيها أنى بني آدم جدامكم ، اللي بحبها ماطلعتش نصيبي مش أنى أول ولا آخر واحد حب وماخدش وعاش مع كسرة القلب , مش انتوا اللي عتجرروا عني ..
ماعتش مهم أعرف ليه مشيت دلوك ،اللي يهمني أنها تمشي ..دلوك !
روحي من اهنه يافدوى !
وقفت المرأتان تطالعانه بألم وصمت بينما هو يغلي ويشتاط غضبا ..
طرقات على الباب ثم فتحته (نفيسة) وقالت :
_ الحاج عايزك ياولدي ، الحكومة خدت عمتك ..إلحج المصيبة ديه !
ضحك( مهران) من قهره وقال وهو يضرب كف على كف :
_ بوليس كمان ، كني ناجص وجع جلب !
نزل الثلاثة معا إلى الأسفل حيث يبدوا القلق والتوتر على الجميع و (ثريا) تردد :
_ استر يارب ..جيب العواجب سليمة يارب ! كان مستخبي لنا فين ده بس، هو احنا مش بنلحج نفرح حتى توجع علينا مصيبة ! استر يارب !
فقال( عسران) يحاول جعلها تصمت عله يفكر بحل ما :
_ بطلي ولولة ياحرمة خلينا نفهم حوصل ايه ؟
هااه ..مهران ياولدي ..نوار بتجول الحكومة خدت عمتك المركز ..تعالى نروح اهناك !
أمسك( مهران) بهاتفه قائلا:
-خليك إهنه ياأبوي وأنى عشوف الدنيا فيها إيه اللول وأجولك،عاخد معايا ناجى ،هيبجى سوء تفاهم بإذن الله..متجلجش.
ثم خرجوا تاركين فوضى من الخوف الذي يظهر على الوجوه الناحبة .
الفصل العشرون
___رحل الحبيب…ولن يعود___
تركونا ورحلوا..
خسرناهم ولن يعودوا..
الفراق يؤلم الخفقات..
والمرارة تعث بالقلوب…
بعد أن كان الحب يجيش بالصدور..
لم نرد العشق يوما..
وبنينا أسوارا حول قلوبنا..
فاقتحموا أسوارنا وإجتاحونا بقوة..
أيقظوا القلوب من سباتها..
لتنتفض بين الصدور عشقا..
فرفعنا راياتنا واستسلمنا بلا شروط..
لم نطلب سوى حبا وحنانا..
لم نبغى سوى الأمان..
عدنا لنرى الكون جميلا زاهيا..
فعاد بالغياب يتشح بالسواد..
وعاد للقلوب الشجن..
تصدعت جنباتنا ببرودة قاسية..
تبكى العيون بلوعة..
فقد رحل الحبيب…. ولن يعود.
