رواية على الرقاب قدر نافذ الكاتبة شاهندة الجزء 3

وقفت(نوار)تطالع هذا الكوخ بمرارة،فقد شهد عشق قلبها ونحره ،شهد حياتها ورداها،شهد لحظة ميلاد وآهة موت،تساقطت دموعها أنهارا،وهي ترى تلك المدعوة أمه تجلس أمام الكوخ تنوح وتلطم وتخمش وجهها،تنادي على الغائب بكلمات تدمى القلب وتزيده أسى وحرقة..

روحت فين وسيبتني ياضنايا؟!
مش عتاجى؟
خدك منى الموت..لع..خدوك منى ولاد هوارة..
وهملتني لحالي..
ماليش حدا غيرك..
لا أب ولا خي..
ليه روحت ياولدي؟
الدار من غيرك سو..
والحيل إتهد..
مبجاليش عازة فى الدنيا من بعدك..
ولا بجالى ونيس..
يمين الله ماعسيب اللى جتلك لحظة يتهنى ويعيش..
ولازمن أطول رجبته وأمسك فى خناجها لحد ماتطلع منه الروح..
لأجل ترتاح روحك ياولدي..
لكن آني ،عمرى ماهرتاح خلاص..
روحت ياغالى وخدت معاك الراحة والفرح..
روحت ياغالى وسيبت أمك فى جلبها نار متبردش..
صبرنى يارب.

هطلت دموع (نوار)تزامنا مع كلمات(عوالى)،قبل أن تتطأطأ برأسها وتتجه إلى المخفر لترى والدتها بقلب مات حيا.

______________

بالأمس..

كانت تمشى بخطوات ثابتة بإتجاه مكان لطالما إرتادته من أجل الشر ،ولكنها ويشهد الله لم تعد تضمر فى قلبها حقدا او شرا لأحد..ولم تعد ترغب فى الحياة سوى سعادة طفلتها ،حتى وان كان على حساب سعادتها هي.

تراءى لها هذا المنزل الصغير ،فتقدمت منه بسرعة وطرقت بابه بقوة،سمعت صوتها وهي تقترب قائلة:
-طيب طيب،عتتسربع على إيه ياللى عتخبط ؟!الدنيا عتطير إياك.

ثم فتح الباب وظهرت هي على عتبته تطالعها بحدة قائلة:
-خير يابومة،مش خلصنا ؟جاية تانى إهنه ليه ياحزينة؟

تجاهلت( زبيدة) كلماتها ،فمن أجل إبنتها قد تتنازل عن كل شيئ حتى..كرامتها،لتقول بهدوء:
-رايدة أتحدت وياكى ياعوالى فى موضوع مهم.

قالت(عوالى) بنفاذ صبر:
-أباه،ماتتحدتى ياولية،ماسكة لسانك إياك؟

تلفتت (زبيدة )حولها قائلة:
-مش إهنه أومال،خلينا نتحدت جوة الدار.

أفسحت لها (عوالى)الطريق قائلة:
-إدخلى أما نشوف آخرتها إيه وياكى.

دلفت (زبيدة)تتبعها(عوالى)إلى الداخل بعد أن أغلقت الأخيرة الباب،لتبتدرها (زبيدة)قائلة:
-كيف ولدك راجى؟

وضعت (عوالى)كفا على كف،قائلة بغل:
-مبجاش ولدي،بس ععمل إيه؟الصبر وكل حاجة عترجع زي ماكانت.

قالت(زبيدة) بتوتر:
-مبجاش ينفع ياعوالى،لازمن نجوزهم.