رواية على الرقاب قدر نافذ الكاتبة شاهندة الجزء 3
رواية على الرقاب قدر نافذ الكاتبة شاهندة الجزء 3
تبا ! كيف تنجح النساء دائما في التعامل مع أمور القلب بصلابة كهذه لدرجة أنك تشعر أنهن كائنات بدون قلب ..
هذا مافكر به( مهران) و(فدوى) تتحدث في الكثير من الأمور دون أن ينتبه فقالت :
_ مهران بيه إنت معايا ؟!
قال بهدوء:
_ كملي يايشمهندسة أنا سامعك !
فعادت تقول :
-التصميم القديم للجناح كان تصميم فخم وراقي جدا وعصري جدا بس مافيهوش ريحة مصر ..ريحة المدينة وطابعها الجميل كأنه مزيف ..
فأنا عايزة اعمل حاجة عصرية بس فى نفس الوقت تكون ليها أصالة يعني لما يدخل النزيل هنا يحس حاله فعلا بمصر ..
فقال (مهران) بتهكم :
-نعمل ايه حضرتك؟ نجيب كام جاموسة ونعمله مراجل وغيطان درة مثلا !
فغرت( فدوى )فاهها وجحظت عيناها مستغربة وهي تقول:
_ معقول ! يعني جمال البلد حصرته فى الجاموس والمراجل والغيطان ! شكل بلاد برة غيرتك ياميران !
حدقا ببعضهما لثوان حين قالت (ميران )بعفوية كأن الزمن عاد بهما ، كأنهما لم يبتعدا ولم تتشكل بينهما مسافات من الألم والعتاب والشوق والغيرة ..
أطرقت برأسها بحسرة ثم استأنفت حديثها :
_ الأثار والضريح والنيل والجو الساحر ساعة المغرب وبعدين شروق الشمس ،كأنه ولادة جديدة للروح ..
فقال (مهران) مستفزا إياها :
_ لما انتي شيفاها إكده اتغربتي ليه كل السنين ديه ؟
قالت ببرود:
_ خلينا في الشغل لو سمحت !
اللي عايزة أقوله إني هدمج الطابع الفرعوني مع الطابع العصري وأختار ألوان من وحي المكان أنا عملت التصميم ده شوف كدا وقولي رأيك …
تصميم بتقنية ثلاثية الأبعاد يظهر على الشاشة لم يكن تاما لكنه كان رائعا ، تأمله (مهران) بدهشة واضحة كما كان يتأمل( فدوى) التي تطالعه بثقة ثم قال :
_ هتقدري تخلصيه في يومين دا شغل كتير !
فقالت وهي ترسم شيء على ورقة أمامها :
_ مش هنام ..هلحق كده بإذن الله !
رغما عنه قال باهتمام :
_ ليه ترهقي نفسك إنتي أؤمريهم وهم يعملوا اللي عايزاه !
طالعته بخجل وحزن :
_ أنا مدينة ليك ..
فانتصب واقفا وقال بحدة :
_ دا شغل وهتاخدي حقك ، هستلم الجناح بعد 48 ساعة وإلا هيبقى في عواقب .. كملي شغلك !
طالعته بأسى وهو يغادر مكسور الخاطر ولكنها وعدت نفسها أن تصد ضعفها وضعفه من أجل زوجته التي تعلم يقينا أنها تحبه ولا ذنب لها في غلطتها ، عادت لعملها تحاول التحكم بارتعاشة يدها والدموع المترقرقة بين جفنيها …
