اللهب ج الاخير

وانتى غلطتى لما وافقتى على خطوبتك من كمال

بموافقتك على كمال بعدتى عمرو عنك اكتر

واللى ذاد الموضوع تعقيد اللى انتى عملتية لما رحتيلو شقتة

واعترفتيلة بحبك وكمال شافكوا سوا

وكانت النتيجة موت كمال الله يرحمة

وعمرو شيلك كل الذنب ف موت صديق عمرة

نظرت الى صديقتها نظرة مليئة بالغيظ والشراربدأ يتطاير من عينيها

واخذت تقول بهستيريا

مش انا السبب ..مش انا اللى قتلتة..انا ماليش دعوة ماليش دعوة

وهرولت من امام صديقاتها بخطوات مترنحة بسبب احتسائها الكحول

وخرجت مسرعة قادتها قدماها بخطى مترنحة الى ان وصلت الى سيارتها

قادت سيارتها بطريقة جعلت الشرطة تشتبة بها

وقد أوقفتها الشرطة بعدما اشتبهو بأنها تقود السيارة تحت تأثير الكحول

البــــارت الــــــرابع عشـــــــر

وبعد ان استوقفت سيارة الشرطة السيارة التى كانت تقودها سالى

بعدما اشتبهو بأنها تقود السيارة تحت تأثير الكحول

انزلها الشرطى من السيارة وطلب منها

إجراء فحص الثمل (نسبة الكحول)

وبعد عدة مقاومات ورفض منها اجرت الفحص فتبين انها

تسوق السيارة تحت تأثير الكحول

فتم حرمانها فعلياً من حيازة رخصة السياقة

الى ان تأتى الى شرطة المرور وتدفع غرامة مالية

……………………………….

داخل فيلا رجل الاعمال مصطفى عبد الله
وتحديداً بحديقة الفيلا

كانوا يجلسوا ويثرثرون ويضحكون بمرح

مصطفى …..ماتخليكى قاعدة معانا يالهام هتروحى بيتك تعملى اية

مى بمرح……اة والنبى ياعمتو خليكى قاعدة معانا

على الاقل الاجازة اللى بابا ادهانى تطول شوية

ليلى ……اةة بقى انتى عايزة عمتك تقعد علشان بابا اداكى اجازة

ورحمك شوية من الشغل

مصطفى وهو يضيق عينية………بقى كدا ياست مى طب اعملى حسابك من بعد بكرة

هتزلى الشغل ومفيش اجازات تانى

مى بلهفة …….ماما .بابا . انا بضحك معاكو

انتوا عايزين عمتو تزعل منى ولا اية..انا طبعا عايزة عمتو

تقعد معانا علشان هى منورانا

الهام وهى تمسك بوجنتي مى بحركة طفولية …..اة يابكاشة يااونطجية

وضحك الجميع بمرح

ليلى بأصرار…..وحياتى يالهام خليكى معايا انا مش عارفة عايزة تروحى

تقعدى لوحدك لية بس.. دى الوحدة وحشة قوى ربنا ما يكتبها علينا

الهام مبتسمة ……..والله وحدتى دى هتنتهى بعد فترة بسيطة

بس دا متوقف على موافقة اخويا مصطفى