اللهب ج الاخير

انا هستنى مى ولا ماما

يوسف…..انا مقلتش لحد انك هتخرجى النهاردة

حبيت اخليها مفاجأة ليهم اية رأيك

ابتسمت ندى وقالت……تمام انا موافقة

يوسف بمكر……موافقة على اية اجى اساعدك وخطى بعض خطوات مقترباً منها

قالت بهتاف…….لالاء مش دا قصدى انا اقصد المفاجأة

ضحك يوسف ومن ثم قال …..انا هروح اشوف الدكتور الاول

علشان يطمنى عليكى قبل ما نروح

وهاتف يوسف والدتة وقال لها ان تذهب الى بيت خالة

ولم يقل لها السبب

وايضا هاتف كل من مى وعمرو وقال لهم المثل

وتركهم بين حيرتهم

واصطحب ندى الى المنزل

………………………………..

وبالفعل كانت مفاجأة سارة للجميع حيث كانوا يجلسون بحديقة الفيلا وفجأة

رأو سيارة يوسف تدلف الى الفيلا ومن ثم نزل منها والتف حول مقدمة السيارة

ومد يدة وامسك بيدها واخرجها برفق

صاحت مى بمرح وهرولت نحو شقيقتها وضمتها برفق

نهض الجميع من مجلسة واقتربوا منها ورحبوا بها ترحيب حار جداا

فهى غابت عن المنزل حوالى شهراً كاملاً

ضمتها ليلى الى صدرها واخذت تبكى ولكن ليس حزنا بل انها دموع الفرح

وهنا تحدث مصطفى من بين دهشتة…….هو الدكتور كتبلك على خروج امتى

ولية ماقلتلناش

ندى بوجة شاحب…….طب قعدونى الاول انا حاسة بتعب

الهام …..ياخبر ابيض صحيح تعالى ارتاحى الاول

ونتكلم بعدين

كان يوسف يحاوط كتفها بذراعة الايمن ويمسك بكف يدها بذراعة الايسر

اجلسها يوسف على اقرب مقعد لها والتف الجميع حولها على الطاولة المتواجدة بالحديقة

عمرو…..حمد الله على سلامتك ياندى

الهام..نورتى بيتك ياحبيبتى عقبال ماتنورى بيت يوسف يارب

يوسف مبتسماً…….هانت اهو ياامى كلها ايام وندى هتنور بيتك وتنور حياتى كلها

ليلى……..انا مش عارفة انتى مستعجلة على اية يالهام انا لسة مشبعتش من بنتى

الهام…….لاء بقولك اية بقى يامرات اخويا انا دلوقت لية ف ندى

اكتر ما ليكى انتى ومصطفى

ضحك الجميع بمرح ومن ثم قال الاب

والله ليلى عندها حق ياالهام احنا ملحقناش نشبع منها

الهام ……يعنى انا هاخدها تانى بلد دايادوبك نص ساعة بالعربية

تكونوا عندنا

وهنا تدخلت مى وقالت بأمتعاض…….اية دة طب وانا ..مش هوحشكوا ولا اية

عمرو بسخرية ……يابنتى دول ما صدقوا يخلصوا منك

اةةةة شكلى اتدبست ولا اية؟

نظرت الية مى بطرف عينيها وتنهدت وكأنها تتوعد لة