انتي حقي سمرائي ٧

تعجبت ناديه قائله:طيب خلينا ننزل أشوف مين صاحب الشخصيه الغامضه ده،وأنت يا سيد،بلاش تسبقنى فى مراحل اللعبه،تمام.

تبسم سيد يقول:ماشى هستناكى،علشان المراحل الجايه فى اللعبه صعبه،وأنا هكسبك فيها.

تبسمت ناديه بحنان،وهى تذهب مع الخادمه.

دخلت ناديه لغرفة الصالون،ترسم بسمه،قائله:
حضرتك طلبت تقابلنى،ممكن تعرفنى بنفسك.

رد عليها:انا مجدى،،مدير أعمال مدام فاتن النديم
،وكمان صديق مقرب ليها،وللمرحوم زوجها.

تعجبت ناديه قائله:تشرفت بحضرتك بس اكيد أنت محتاج لطارق،وأكيد عارف انه مسافر أسبوع بيقضى شهر العسل،ولو فى أى مشكله خاصه بالشغل بينكم تقدر تكلم،سراج،وهو يحلها لك.

رد مجدى:مفيش مشكله ولا حاجه أنا جاى مخصوص لحضرتك،فى أمر مدام فاتن نفسها متعرفوش.

تعجبت قائله:خير،وأيه هو الأمر ده؟!

رد مجدى قائلاً: مدام فاتن النديم
هى نفسها سلوى شكرى أخت حضرتك ومامة،طارق،وسمره
….ـــــــــــــــــــــــــــــــــــــــــــــــــــــــــــ
بعد أن أخذت سمره قسطاً من النوم أستيفظت،وجدت نفسها وحدها،بالغرفه،تنهدت بسأم،فعاصم يتعمد،المجئ متأخر،و الأبتعاد عنها.
لكن شعرت بجوع

ربتت على بطنها قائله:بقيت باكل كتير،بسببك،ومبقدرش أقاوم الجوع،نهضت سمره،وأرتدت،مئزر ثقيل عليها،وطرحه،ونزلت لأسفل،وأشعلت ضوء المطبخ،وقفت تفكر،فى بعض الأطعمه التى تشتهى تناولها،وقامت بجلب مكوناتها،وبدأت بصُنعها،وهى تدندن،بعض الاغانى.

فى نفس الوقت،أقترب عامر من المطبخ يقول مين الى فى المطبخ،ولا يمكن كوثر نسيت نوره،أما أدخل أسوف حاجه أكلها.

تبسم عامر،هو يرى سمره بالمطبخ تحدث قائلاً: أيه يا سمره أنتى أتفجعتى ولا أيه،مش متعشيه معايا،من ساعتين،وقولتى كبس عليا النوم،أيه صحيتى،لقيتى نفسك جعانه.

وقعت المعلقه من يد سمره،ونظرت لعامر بخضه.

تبسم عامر وهو ينحنى يأخذ المعلقه من على الارض،قائلاً:لسه خفيفه،وبتنخضى،معليشى،بس الأكل الى بتعمليه أعملى حسابى معاكى فيه.

تبسمت تقول له بمرح:بعد الخضه دى أنسى،أنى أأكلك معايا.

تبسم عامر يقول:العصفوره قلبها،طيب،وهتأكلنى معاها،علشان ادعى،أنك تكونى حامل فى بنت،ويطلع توقع الدكاتره غلط.

تبسمت له تقول:ماشى،هعمل حسابك بس علشان تدعى،يطلع توقع الدكتور غلط.

تبسم لها،وجلس الأثنان يتناولان مع الطعام،بود،ومشاغبةعامر،لسمره بمرح.