انتي حقي سمرائي ٦

رد عامر: صح كلامك، لازم نفكر فى سمره، أنا هتصل على عمران أبلغه أننا هنسافر أسيوط، وأقوله كمان يبعت حراسه كبيره، لنا تقابلنا عالطريق، الليل داخل، والطريق صحراوى،ومش أمان، وكمان ممكن نحتاج لهم فى أسيوط.
………. ــــــــــــــــــــــــــــــــــــــ
بعد وقت
بأسيوط

خرجت تلك الفتاه تحمل بيديها صنية الطعام
تفاجئت بمن دخل يقول لها بغلظه: برضو مأكلتش، مش قولتلك حاولى معاها تاكل

ردت الفتاه: حاولت وهى رفضت وقالتلى شيلى الأكل مش هاكل، ومش مبطله بُكى، ولا أسئله هى فين، وليه مخطوفه، أنا مردتش عليها لانى معرفش حاجه، بس واضح ان لها أهميه عندك.

رد عليها: فعلاً هى لها أهميه كبيره جداً جداً كمان هاتى الاكل وغورى من وشى
أخذ منها صنية الطعام، تركها تنظر أليه بحسره، كيف صدقت هذا المُخادع يوماً، لتفقد معه ليس فقط كرامتها لكن أيضًا أخيها الذى حذرها من التقرب منه، لكن لاتعلم ما الذى أعمى عينيها أهو العشق لهذا المُخادع، أم الطمع فى الرفاهيه.

بينما فتح الأخر، باب الغرفه وأدخل الصنيه،
تحدثت سمره حين رأت الصنيه: قولتلك مش عاوزه أكل، قولى لى انا هنا ليه؟

رد الأخر: أنتى هنا علشانى.

نظرت سمره الى الصوت، وقالت بتعجب وذهول مصحوب برعب: عاطف!
……..

السابعه والعشرون
………
بشركة الصقر
بمكتب عمران
دخلت سليمه عليه وجدته مُنكب على حاسوبه يعمل عليه،حين رأها،أبعد الحاسوب قليلاً ونظر أليها،وحاول يرسم بسمه،لكن لم يستطع.

تحدثت سليمه:الساعه بقت تمانيه المسا،أيه لسه عندك شغل؟

رد عمران:شغل الشركه،كله عليا،ولازم،أنجزه

رأت سليمه الأرهاق على وجه عمران،شعرت به قائله:لسه سمره مفيش أخبار عنها؟

رد عمران:للأسف مفيش أى أخبار،غير أن عامر أتصل عليا،وقالى أنه محتاج لحراسه كبيره علشان هيسافروا،أسيوط،شك كبير أن سمره هناك.

تعجبت سليمه قائله:طيب وأيه الى هيودى سمره لهناك،؟
رد عمران: عاصم عنده شك كبير أن الى خطف سمره،هو عاطف،أبن عمتى عقيله،وأكيد أخدها لهناك.

تعجبت سليمه قائله:طب وأيه غرضه من خطفها،أنت بتقول أنه أبن عمتك،يعنى أبن عمتها هى كمان،يعنى يعتبر زى أخوها.!

رد عمران:عاطف كان سبق وطلب سمره للجواز ورفضته،وبعدها بمده صغيره،أتجوزت من عاصم.

قاطعت سليمه عمران قائله:وأيه يعنى الجواز قسمه ونصيب،وواضح جداً سمره بتحب عاصم،والدليل مرافقتها له الأيام الى فاتت فى المستشفى،دى هى الى كانت بتبات معاه فى المستشفى،وكمان بتهتم بيه،ممكن بينهم خلاف،بس بعد الى شوفته فى المستشفى،عاصم مستحيل يطلق سمره،أو سمره تبعد عن عاصم أكتر من كده.