فراشه اعلي الفرقاطة ج الاخير

قطب آدم جبينه في اندهــاش ، ثم رفع أحد حاجبيه ، ووضع يده على طرف ذقنه ليحكها قليلاً و…
-آدم بنظرات استغراب ونبرة متعجبة : ليه ؟
-يزيد بنبرة مهتمة : هاعمل بيها شغل عالي
-آدم وهو يمط شفتيه : مممم.. شغل .. هو انت ناوي على ايه ؟
-يزيد وهو يتمتم بنبرة رسمية : دي أسرار عسكرية ، لا يجوز الإفصاح عنها
-آدم وهو يعيد رأسه للخلف : والله !! طيب أنا آآ…
-يزيد مقاطعاً بحزم : البنت تكون عندي بعد نص ساعة ، وكمان تعدي على شقتي تجيبلي شنطة الطواريء من هناك ، انت معاك المفتاح صح ؟
-آدم وهو يوميء برأسه : أهــا
-يزيد متابعاً بحسم : ساعتين بالكتير وتكون كل حاجة عندي ، ماشي يا سيادة المقدم
-آدم وهو يلوي فمه في عدم استيعاب : ربنا يسهل
-يزيد بجدية : هايسهل بس انت انجز .. سلام !

ثم أنهى معه المكالمة تاركاً إياه في حالة ذهــول و…
-آدم متسائلاً بإندهاش : يا ترى بيخطط لإيه بطل الحرب والسلام ؟؟!! والبت سلمى ناوي يعمل بيها ايه ؟؟؟

……………………
في غرفة الطعام ،،،،

بدأت شيماء في إعداد طاولة طعام الإفطــــار لزوجها بعد أن انتهت من إطعام صغيرتها ، ثم …
-شيماء بنبرة عالية : آندومي ، يالا تعالى ، الفطار جاهز يا حبيبي

دلف آدم خــــارج غرفة النوم وهو ممسك بهاتفه المحمول في يده ، وباليد الأخــرى يعبث بشعره ، و..
-آدم وهو يتثاءب : أنا جاي اهووو

رمقته شيماء بنظرات ممتعضة وهي عابسة لوجهها ، و..
-شيماء بضيق : انت كنت نايم ؟؟ أومــال بس عمال تقولي صحيني من بدري ، وأوعي يا شيمو تسيبني نايم ، وبعد ما أصحيك ألاقيك روحت نمت
-آدم بنبرة متحشرجة : النوم سلطان يا شيموو
-شيماء وهي تمط شفتيها في عدم اقتناع : طب سيب البتاع ده الوقتي ، وتعالى افطر
-آدم بهدوء : ماشي ، أنا أصلاً خلصت كلام فيه
-شيماء متسائلة بحيرة : انت كنت بتكلم مين ؟
-آدم بنبرة عادية : ده يزيد هو اللي اتصل بيا ، يعني عاوز شوية حاجات أجيبهاله عشان مش هايعرف ينزل ويسيب فرح لوحدها
-شيماء بنبرة دبلوماسية ، وهي ترص الأطباق على الطاولة : ربنا يهدي سرهم
-آدم متابعاً بحماس : يارب .. لأحسن فرح دي زي النسمة ، رقيقة كده ومش هاتستحمل الهوا الطاير

تركت هي ما كانت ممسكة به ، ثم وضعت يدها في منتصف خصرها ، و رمقت زوجها بنظرات محتقنة و…
-شيماء بنبرة ضائقة : لا والله ، وانت طبعاً أكتر واحد عارفها
-آدم مبتسماً في سعادة : يــــاه .. ده انا معايا الكتالوج بتاعها